صنم جاوید کو شوہر سمیت ٹاﺅن شپ سے گرفتار کرلیاگیا

خاتون راہنما کو اینٹی ٹیررسٹ فورس نے 9 مئی واقعات کے مقدمے میں حراست میں لیا ہے. نجی ٹی وی

میاں محمد ندیم پیر 28 اپریل 2025 14:58

صنم جاوید کو شوہر سمیت ٹاﺅن شپ سے گرفتار کرلیاگیا

لاہور(اردوپوائنٹ اخبارتازہ ترین-انٹرنیشنل پریس ایجنسی۔28 اپریل ۔2025 )تحریک انصاف پنجاب کی چیف آرگنائزرصنم جاوید اور ان کے شوہر کو صوبائی دارالحکومت لاہور کے علاقے ٹاﺅن شپ سے گرفتار کرلیا ہے صنم جاوید کو اینٹی ٹیررسٹ فورس نے 9 مئی کے پرتشدد واقعات کے مقدمے میں حراست میں لیا ہے.

(جاری ہے)

نجی ٹی وی نے پولیس ذرائع کے حوالے سے بتایا ہے کہ صنم جاوید پر سنگین الزامات کے تحت تحقیقات جاری ہیں اور انہیں مزید تفتیش کے لیے متعلقہ تھانے منتقل کر دیا گیا ہے دوسری جانب ایف آئی اے سائبر کرائم ونگ نے صنم جاوید کے شوہر عتیق کو گرفتار کیا ہے ایف آئی اے حکام کا کہنا ہے کہ عتیق کو عظمیٰ بخاری جعلی ویڈیو اسکینڈل کے مقدمے میں حراست میں لیا گیا ہے ابتدائی تفتیش کے مطابق عتیق پر الزام ہے کہ وہ سوشل میڈیا پر جعلی مواد پھیلانے میں ملوث رہا ہے.

پولیس اور ایف آئی اے کے مشترکہ آپریشن کے دوران دونوں کو لاہور کے علاقے ٹاﺅن شپ سے گرفتار کیا گیا حکام کے مطابق گرفتار شدگان سے مزید تفتیش جاری ہے اور کیسز میں ممکنہ دیگر ملزمان کی گرفتاریوں کا بھی امکان ہے.