Live Updates

پاکستانی اسکواش پلیئرٹاپ 50 میں جگہ بنانے میں ناکام

پی ایس اے رینکنگ جاری، نورزمان کی چاردرجہ تنزلی

پیر 28 اپریل 2025 22:06

پاکستانی اسکواش پلیئرٹاپ 50 میں جگہ بنانے میں ناکام

اسلام آباد (اُردو پوائنٹ اخبارتازہ ترین - آن لائن۔ 28 اپریل2025ء) پاکستانی اسکواش پلیئرز پی ایس اے رینکنگ میں اپنی جگہ بہتر بنانے میں ناکام ہو گئے،گزشتہ دو سالوں کے کوئی پاکستانی پلیئر ٹاپ ففٹی رینکنگ میں جگ نا بنا سکا۔ پروفیشنل اسکواش ایسوسی ایشن (پی ایس ای) کی تازہ عالمی درجہ بندی کے مطابق کے پاکستان کے اشعب عرفان ورلڈ رینکنگ میں 57ویں اورمحمد عاصم خان 58ویں نمبر پر ہیں۔

(جاری ہے)

ورلڈ انڈر-23 چیمپئن شپ کا ٹائٹل جیتنے والے نور زمان عالمی درجہ بندی میں چار درجے تنزلی کیساتھ 64ویں نمبر پر آ گئے ہیں جبکہ ناصر اقبال بھی دو درجے نیچے گر کر 77ویں پوزیشن پر پہنچ گئے ہیں۔ پاکستان میں اسکواش کی زبوں حالی کی بڑی وجوہات میں کوچنگ کے دیرینہ مسائل اور سینئر کھلاڑیوں کی کارکردگی میں عدم تسلسل شامل ہیں۔ ورلڈ رینکنگ میں مصری کھلاڑیوں مصطفی اصل پہلے اور علی فراج دوسرے نمبر پر ہیں۔