نگران دور حکومت میں ہیلتھ ڈیپارٹمنٹ کو انڈسٹری میں تبدیل کیاگیا،احتشام علی

ایسے لوگ آئے جنہوں نے لوٹ مار کی اورآج ہم ادویات و دیگرسکینڈلز کاسامناکررہے ہیں عوام کے ٹیکس کے پیسے انہی پر لگائینگے ایم ایس صاحبان سے کہاہے کہ کوئی چیز بھی پوشیدہ نہ رکھیں ہماری غلطیوں کی نشاندہی کی جائیں،مشیرصحت

پیر 28 اپریل 2025 21:45

پشاور(اُردو پوائنٹ اخبارتازہ ترین - این این آئی۔ 28 اپریل2025ء)مشیر صحت خیبرپختونخوا احتشام علی نے کہاہے کہ نگران دور حکومت میں ہیلتھ ڈیپارٹمنٹ کو انڈسٹری میں تبدیل کیاگیاایسے لوگ آئے جنہوں نے لوٹ مار کی اورآج ہم ادویات و دیگرسکینڈلز کاسامناکررہے ہیں عوام کے ٹیکس کے پیسے انہی پر لگائینگے ایم ایس صاحبان سے کہاہے کہ کوئی چیز بھی پوشیدہ نہ رکھیں ہماری غلطیوں کی نشاندہی کی جائیں۔

وہ صوبائی اسمبلی اجلاس میں اظہارخیال کررہے تھے۔

(جاری ہے)

قبل ازیں ایم پی اے زبیراحمد نے توجہ دلاؤنوٹس پیش کرتے ہوئے کہاکہ الائی کٹیگری ڈی ہسپتال میں 26ڈاکٹروں کی اسامیاں ہیں لیکن وہاں صرف دو ڈاکٹرموجود ہیں ڈاکٹروں کی عدم موجودگی کی وجہ سے علاقہ کے لوگ ایبٹ آباد کا رخ کرتے ہیں جس سے مریض انتہائی تکلیف سے گزررہے ہیں لہذا کٹیگری ڈی ہسپتال میں ڈاکٹروں کی ایمرجنسی طو رپر تعیناتیاں کی جائیں،مشیرصحت نے جواب دیاکہ صوبے میں خالی آسامیوں پر تعیناتیاں کا عمل شروع کیاہے الائی ہسپتال میں تعیناتی کیلئے متعلقہ ڈی ایچ اوزسے بات کرونگا صوبے میں ڈاکٹرز کی کمی ہے ہماری کوشش ہے کہ ایمرجنسی بنیادوں پر ڈاکٹرزلیں پہلے مرحلے میں 166ڈاکٹرزاورپھر102ڈاکٹروں کوڈی ایچ کیومیں میرٹ کی بنیاد اوربغیرٹرانسفرپالیسی کے تحت تعینات کئے جارہے ہیں ڈاکٹروں کی پروموشن کے بعد چھ سوسے سات سوتک آسامیاں بھی پرہوجائیں گی مینجمنٹ کیڈرمیں 248سیٹس کو ایڈورٹائز کردیا لیکن بدقسمتی سے اس پر حکم امتناعی آگیاان حربوں کو بھی ناکام بنائینگے،ڈی ایچ اوز کانفرنس طلب کی ہے جنہیں کہاہے کہ آپ میرٹ کویقینی بنائیں ہیلتھ ڈیپارٹمنٹ کو ماڈل بناکردم لینگے انہوں نے کہاکہدریں اثنائ ایم پی اے نثارباز نے توجہ دلاؤنوٹس پیش کرتے ہوئے کہاکہ فزیکل ایجوکیشن ٹیچرمتعلقہ ڈگری کاہوناضروری ہے لیکن متعلقہ محکمہ تعلیم اس کے برعکس میرٹ کی دھجیاں اڑارہاہے اور فزیکل ایجوکیشن کیلئے فیلڈزکی ڈگریاں ڈپلومہ ہولڈرکواہل قراردیاجارہاہے جوکہ فزیکل ایجوکیشن ٹیچرکیساتھ ظلم کے مترادف ہے وزیر تعلیم فیصل ترکئی نے جواب دیاکہ 2012ئ کی پالیسی کے تحت ہم نے میرٹ اورشفافیت کویقینی بنایاہے فزیکل ایجوکیشن ٹیچرکیلئے مواقع بڑھادئیے ہیں یہ باقی اسامیوں پر بھی اپلائی کرسکتے ہیں ٹیچرایسوسی ایشن کے ساتھ بیٹھ کر انہیں مطمئن کرینگے۔