کسی سے لڑائی نہیں، بابر بڑے بیٹر، آؤٹ کرنے کیلئے پلان بناکر آتا ہوں‘ عامر

کامیابی مل رہی ہے تو ملنے دیں، فوکس اپنی باؤلنگ پر ہوتا ہے، یہ نہیں دیکھتا کہ سامنے کون ہے‘گفتگو

منگل 29 اپریل 2025 11:56

کسی سے لڑائی نہیں، بابر بڑے بیٹر، آؤٹ کرنے کیلئے پلان بناکر آتا ہوں‘ ..

لاہور(اُردو پوائنٹ اخبارتازہ ترین - این این آئی۔ 29 اپریل2025ء) کوئٹہ کے ٹیسٹ فاسٹ باؤلر محمد عامر نے پشاور زلمی کے کپتان بابر اعظم کو آؤٹ کرنے کے بعد جارحانہ انداز میں منفرد جشن منایا جو کافی وائرل ہو گیا۔اس دوران عظیم کھلاڑی سر ویوین رچرڈز نے عامر کو پرسکون رہنے کا مشورہ دیا، یہ مناظر وائرل ہو گئے۔

(جاری ہے)

میچ کے بعد محمد عامر نے میڈیا سے گفتگو کرتے ہوئے کہا کہ میدان میں کسی سے لڑائی نہیں ہوتی تاہم جارحانہ انداز ضرور اختیار کیا جاتا ہے اور یہی فاسٹ باؤلنگ کی خوبصورتی ہے۔

انہوں نے مزید کہا ہے کہ جارحانہ انداز فینز بھی انجوائے کرتے ہیں، بابر اعظم بہت بڑے کھلاڑی ہیں، ان کے خلاف پلان بنا کر آتا ہوں، ان کے خلاف کامیابی مل رہی ہے تو ملنے دیں، فوکس اپنی باؤلنگ پر ہوتا ہے، یہ نہیں دیکھتا کہ سامنے کون ہے۔