بھارت، پہلی مسلم خاتون مہاراشٹر ریاست کی آئی اے ایس افسر بننے میں کامیاب

دیبہ کے والد اشفاق احمد آٹو رکشہ چلاتے ہیں، ان کے پاس اپنا گھر تک موجود نہیں،رپورٹ

منگل 29 اپریل 2025 16:19

بھارت، پہلی مسلم خاتون مہاراشٹر ریاست کی آئی اے ایس افسر بننے میں کامیاب

نئی دہلی (اُردو پوائنٹ اخبارتازہ ترین - این این آئی۔ 29 اپریل2025ء)رکشہ ڈرائیور کی بیٹی ادیبہ اشفاق بھارتی ریاست مہاراشٹرا کی پہلی مسلم خاتون آئی اے ایس آفیسر بننے میں کامیاب ہوگئیں۔بھارتی میڈیا رپورٹس کے مطابق یونین پبلک سروس کمیشن (یو پی ایس سی)کے نتائج میں ریاست مہاراشٹر کے ضلع یوتمال کی رہائشی ادیبہ انعم اشفاق احمد نے 142واں رینک حاصل کیا ہے جس کے بعد وہ پہلی مسلم خاتون آئی اے ایس آفیسر کے طور پر سامنے آئی ہیں۔

ادیبہ اشفاق کی اس کامیابی کو ایک تاریخی لمحہ قرار دیا جا رہا ہے۔

(جاری ہے)

میڈیا رپورٹس کے مطابق ادیبہ کے والد اشفاق احمد آٹو رکشہ چلاتے ہیں، ان کے پاس اپنا گھر تک موجود نہیں، ضلع یوتمال میں وسائل محدود ہونے اور تعلیمی سہولتوں کی کمی کے باوجود ادیبہ نے اپنی محنت، عزم اور والدین کی حمایت سے یہ مقام حاصل کیا ہے۔بھارتی میڈیا رپورٹس کے مطابق ادیبہ نے چوتھی بار کوشش کرنے پر یو پی ایس سی میں 142 واں رینک حاصل کیا ہے۔دوسری جانب ادیبہ اشفاق نے میڈیا سے گفتگو کے دوران بتایا کہ میرا ابتدائی خواب ڈاکٹر بننے کا تھا، مگر یوتمال میں تعلیمی وسائل کم ہونے کے سبب میں اپنے اس خواب کو پورا نہیں کر سکی۔