i فیصل آباد،مینجنگ ڈائریکٹر واسا عامر عزیز کی ہدایت

g پری مون سون سیزن تیاریوں کی مانیٹرنگ کا سلسلہ جاری

منگل 29 اپریل 2025 21:40

: فیصل آباد (اُردو پوائنٹ اخبارتازہ ترین - آن لائن۔ 29 اپریل2025ء)مینجنگ ڈائریکٹر واسا عامر عزیز کی ہدایت پر پری مون سون سیزن تیاریوں کی مانیٹرنگ کا سلسلہ جاری ہے۔ اس ضمن میں ڈی ایم ڈی سروسز اکرام اللہ چوہدری نے ڈائریکٹر ڈویلپمنٹ حافظ حسان ناصر کے ہمراہ ڈشیخوپورہ روڈ اور مین سرگودھا روڈ پر چینل ون پر جاری ڈی سلٹنگ مہم کا جائزہ لیا جبکہ ڈائریکٹر ڈرینج فرحان اکرم بھی اس موقع پر موجود تھے۔

(جاری ہے)

ڈائریکٹر ڈرینج فرحان اکرم نے پری مون سون تیاریوں کے تحت مین چینلز اور ڈرینج نالوں کی صفائی کے کام کی پیش رفت کے بارے میں تفصیلی بریفنگ دی۔ اس حوالے سے ایم ڈی واسا عامر عزیز نے کہا کہ واسا فیصل آباد کی جانب سے مون سون سیزن سے قبل مین چینلز کی ڈی سلٹنگ کیلئے ایک جامع اور موثر پلان تشکیل دیا گیا ہے جس پر مکمل عمل درآمد کیا جارہا ہے۔ انہوں نے مزید کہا کہ جاری کردہ شیڈول کے مطابق روزانہ کی بنیاد پر مین چینلز کی ڈی سلٹنگ مکمل کی جارہی ہے جس کی رپورٹ ضلعی انتظامیہ کو بھی بھجوائی جارہی ہے۔ ایم ڈی واسا نے واضح کیا کہ موسم برسات سے قبل مین چینلز کی ڈی سلٹنگ کا عمل مکمل کر لیا جائے گا جبکہ ڈی سلٹنگ مہم کی مانیٹرنگ کے لئے واسا افسران کی ٹیمیں بھی فیلڈ میں متحرک ہیں ۔