ڈینگی کا مکمل خاتمہ عوام الناس کی موثر شرکت و آگاہی سے ممکن ہے، ایڈیشنل ڈپٹی کمشنر جنرل اٹک

بدھ 30 اپریل 2025 23:26

اٹک (اُردو پوائنٹ اخبارتازہ ترین - این این آئی۔ 30 اپریل2025ء)ایڈیشنل ڈپٹی کمشنر جنرل اٹک انیل سعید نے کہا ہے کہ ڈینگی کا مکمل خاتمہ عوام الناس کی موثر شرکت و آگاہی سے ممکن ہے۔انہوں نے ان خیالات کا اظہار ڈی سی آفس اٹک میں انسداد ڈینگی مہم کے حوالے سے ایک اجلاس کی صدارت کر تے ہوئے کیا۔اجلاس میں سی ای او ہیلتھ ڈاکٹر اسد اسماعیل ،محکمہ تعلیم،صحت سمیت دیگر محکموں کے افسران نے شر کت کی۔

ڈاکٹر اسد اسماعیل اور محکمہ صحت کے افسران نے شر کا کو انسداد ڈینگی مہم کے حوالے سے تفصیلی بریفنگ دی۔ بریفنگ دیتے ہوئے بتا یا گیا کہ ضلع بھر میں ڈینگی کے خاتمے کے اقدامات کے جارہے ہیں۔اس ضمن میں تمام محکمے اپنا خصوصی کردار ادا کر رہے ہیں۔اس کے ساتھ عوامی آگاہی کے لیے بھی محکمے مہم چلا رہے ہیں۔

(جاری ہے)

اجلاس میں ڈینگی مہم کے حوالے سے تمام محکموں کی کار کردگی کا تفصیلی جائزہ لیا گیا۔

اے ڈی سی جی اٹک نے اس موقع پر اجلاس سے خطاب کرتے ہوئے کہا کہ موجودہ حالات میں ڈینگی مچھر انتہائی خطرناک اور جان لیوا ہے۔ضرورت اس امر کی ہے کہ تمام سر کاری،نیم سر کاری اور نجی ادارے ڈینگی کے خاتمے کے لیے اپنا بھر پور کر دار ادا کر یں اور تمام ضروری اقدامات یقینی بنائیں۔عوام کو ڈینگی مچھر سے بچاؤ کیلئے حفاظتی اقدامات کے بارے میں ہرممکن حد تک آگاہی فراہم کریں اور اس بات کو یقینی بنایں کہ عوام ان اقدامات پر بھرپور عمل کریں۔