پی او ایس قوانین کی خلاف ورزی پر مشہور شاپنگ مال میں پرفیوم آوٹ لیٹ سیل

بدھ 30 اپریل 2025 19:40

کراچی (اُردو پوائنٹ اخبارتازہ ترین - این این آئی۔ 30 اپریل2025ء) آر ٹی او 1 نے پی او ایس قوانین کی خلاف ورزیوں پر اپنی کاروائیاں جاری رکھتے ہوئے آج اپنی انتظامی حدود زیب النسا اسٹریٹ پر واقع ایک مشہور شاپنگ مال کی حدود میں ایک پرفیوم آوٹ لیٹ کو سیل کرلیا۔

(جاری ہے)

مذکورہ آوٹ لیٹ کو پی او ایس سسٹم سے غیر منسلک شدہ رسیدیں جاری کرنے پر سیلز ٹیکس قوانین 2006 کے رول 150 زیڈ ای او کے تحت سیل کیا گیا ہے۔

اس موقع پر چیف کمشنر آر ٹی او 1 کراچی ڈاکٹر فہیم محمد نے کہا ہے کہ پی او ایس قوانین کی خلاف ورزی ایک سنگین جرم ہے اور آر ٹی او 1 ان قوانین کی خلاف ورزیوں پر اپنی کاروائیاں جاری رکھے گا۔ انہوں نے تاجر برادری پر زور دیا کہ وہ اپنے کاروباری معاملات میں پی او ایس قوانین پر عملدرآمد کو یقینی بنائے۔