فلسطینی ریاست کو تسلیم کرنے کا امکان موجود ہی: برطانوی وزیر خارجہ

فلسطینی مسئلہ ایک منصفانہ مسئلہ ہے، فلسطینی اپنے ہی وطن کے مستحق ہیں،گفتگو

جمعرات 1 مئی 2025 12:04

لندن(اُردو پوائنٹ اخبارتازہ ترین - این این آئی۔ 01 مئی2025ء)برطانوی سکریٹری خارجہ ڈیوڈ لامی نے کہا ہے کہ ریاست فلسطین کو تسلیم کرنا ممکن ہے۔ برطانیہ فلسطین کو تسلیم کرن کے لئے کسی کا انتظار نہیں کرے گا۔میڈیارپورٹس کے مطابق انہوں نے لندن میں ہائوس آف لارڈز میں سماعت کے دوران یہ بھی کہا کہ یہ اعتراف صرف ایک علامتی اقدام کی نہیں بلکہ دو ریاست کے حل کی طرف ایک حقیقی سیاسی راہ کا حصہ ہونا چاہئے۔

لامی نے زور دے کر کہا کہ فلسطینی مسئلہ ایک منصفانہ مسئلہ ہے۔ فلسطینی اپنے ہی وطن کے مستحق ہیں۔

(جاری ہے)

انہوں نے کہا کہ فلسطینی ریاست کی پہچان اپنے انتخابی پروگرام میں لیبر پارٹی کے وعدوں میں شامل ہے۔انہوں نے یہ بھی کہا کہ واحد آپشن دو ریاست کا حل ہے اور ہم فرانس اور سعودی عرب میں اپنے شراکت داروں کے ساتھ مل کر دو ریاستی حل کے آپشن کو زندہ رکھنے کے لئے دو ریاستی حل پر نیو یارک کانفرنس کی طرف کام کرتے رہیں گے۔ انہوں نے کہا کہ اعتراف کا معاملہ ختم نہیں ہوا بلکہ یہ ایک حقیقت پسندانہ سیاسی حل کی طرف قدم ہے۔ زمین پر ٹھوس پیشرفت کو آگے بڑھانے میں سلامتی کونسل کے مستقل ممبر کی حیثیت سے برطانیہ کا کردارہے۔