غیرملکیوں کے تحفظ کیلئے سپیشل پروٹیکشن یونٹ بنایا گیا ہے، ڈی آئی جی اسلام آباد

جمعہ 2 مئی 2025 12:55

اسلام آباد(اُردو پوائنٹ اخبارتازہ ترین - این این آئی۔ 02 مئی2025ء)ڈی آئی جی اسلام آباد جواد طارق نے کہا ہے کہ غیرملکیوں کے تحفظ کیلئے سپیشل پروٹیکشن یونٹ بنایا گیا ہے۔نجی ٹی وی سے گفتگو کرتے ہوئے ڈی آئی جی جواد طارق نے کہاکہ ہمارا سارا فوکس کرائم کے خاتمے پر رہا ہے، ٹیکنالوجی کی وجہ سے جرائم کی روک تھام میں مدد ملی۔

(جاری ہے)

انہوںنے کہاکہ کیپیٹل سٹی کے ڈائینامکس مختلف ہوتے ہیں، مرگلہ ہلز میں ٹریلز کیلئے علیحدہ سے ٹریل پیٹرولنگ ٹیم بنادی ہے۔

انہوں نے کہا کہ ایف نائن پارک میں سائیکل اور پیدل پیٹرولنگ شروع کروا دی ہے، سیف سٹی کے فیز ٹو پر بھی عمل درآمد ہونے والا ہے۔ڈی آئی جی اسلام آباد نے کہا کہ امن و امان کی صورتحال کیلئے اینٹی رائٹ یونٹ بنایا گیا ہے۔ جواد طارق نے کہا کہ بعض جماعتیں یا گروپس صرف ریڈ زون میں جانے پر بضد ہوتے ہیں، ایسی جماعتوں اور گروپس کو روکنے کیلئے کافی سخت اقدامات کرنے پڑتے ہیں۔