کراچی‘ ہاکس بے کے سمندر میں نہانے والے 3 میں سے 2 دوست ڈوب کر جاں بحق

مرنے والوں کی شناخت 25سالہ علی حسن اور 25 سالہ جمیل کے نام سے ہوئی: پولیس

پیر 16 جون 2025 13:22

کراچی‘ ہاکس بے کے سمندر میں نہانے والے 3 میں سے 2 دوست ڈوب کر جاں بحق

کراچی(اُردو پوائنٹ اخبارتازہ ترین - این این آئی۔ 16 جون2025ء) ہاکس بے کے سمندر میں تین دوست نہاتے ہوئے ڈوب گئے۔ریسکیو کے مطابق تینوں دوست گزشتہ روز سمندرمیں نہانے آئے تھے جن میں سے 2 بے رحم موجوں کی نذر ہوگئے۔

(جاری ہے)

ریسکیو حکام کا بتانا ہیکہ متوفی دوستوں کے ہمراہ ہٹ نمبر 40 میں آیا تھا، اس دوران تینوں دوست نہانے کے دوران ڈوب گئے تھے جس کے بعد ایدھی کے غوطہ خوروں نے ریسکیو آپریشن کے بعد ایک دوست کی لاش پہلے دن ہی نکال لی تھی اور ایک لاش کو اب نکالا گیا ہے جب کہ دوسرے کو بے ہوشی کی حالت میں اسپتال منتقل کردیا گیا ہے۔

ریسکیو کے مطابق مرنے والوں کی شناخت 25سالہ علی حسن اور 25 سالہ جمیل کے نام سے ہوئی جب کہ فرحان کو بے ہوشی کی حالت میں نکالا گیا۔ پولیس حکام کے مطابق سمندر میں نہانے پر پابندی عائد ہے لیکن شہری پابندی کو نظر اندز کردیتے ہیں۔