محسن نقوی کا خیبرپختونخوا میں خوارجی دہشتگردوں کے خلاف کامیاب آپریشنز پر سکیورٹی فورسز کو خراج تحسین

خوارجی دہشتگردوں کے مکمل خاتمے تک آپریشنز جاری رہیں گے، قوم کو سیکورٹی فورسز کی بہادری پر ناز ہے،وفاقی وزیرداخلہ

ہفتہ 3 مئی 2025 17:06

محسن نقوی کا خیبرپختونخوا میں خوارجی دہشتگردوں کے خلاف کامیاب آپریشنز ..

اسلام آباد (اُردو پوائنٹ اخبارتازہ ترین - این این آئی۔ 03 مئی2025ء)وفاقی وزیرداخلہ محسن نقوی نے خیبرپختونخوا میں خوارجی دہشتگردوں کے خلاف کامیاب آپریشنز پر سکیورٹی فورسز کو خراج تحسین پیش کرتے ہوئے کہاہے کہ خوارجی دہشتگردوں کے مکمل خاتمے تک آپریشنز جاری رہیں گے، قوم کو سیکورٹی فورسز کی بہادری پر ناز ہے۔

(جاری ہے)

اپنے بیان میں وزیر داخلہ محسن نقوی نے 5 خوارجی دہشتگردوں کو جہنم واصل کرنے پرسکیورٹی فورسز کی پیشہ وارانہ صلاحیتوں کو سراہا۔

انہوںنے کہاکہ سکیورٹی فورسز نے کامیاب آپریشنز کرکے خوارجی دہشتگردوں کے ناپاک عزائم کو خاک میں ملایا۔ محسن نقوی نے کہاکہ خوارجی دہشتگردوں کو عبرتناک انجام تک پہنچانے پر سکیورٹی فورسز کو شاباش دیتے ہیں۔ انہوںنے کہاکہ خوارجی دہشتگردوں کے خلاف سکیورٹی فورسز نے نمایاں کامیابیاں حاصل کی ہیں۔ انہوںنے کہاکہ خوارجی دہشتگردوں کے مکمل خاتمے تک آپریشنز جاری رہیں گے، قوم کو سیکورٹی فورسز کی بہادری پر ناز ہے۔