میری صرف لڑکیاں دوست ہیں، لڑکوں سے دور رہتی ہوں، رومیسہ خان

پیر 5 مئی 2025 22:38

کراچی (اُردو پوائنٹ اخبارتازہ ترین - این این آئی۔ 05 مئی2025ء)معروف اداکارہ و سوشل میڈیا سٹار رومیسہ خان نے کہا ہے کہ میری صرف لڑکیاں دوست ہیں، لڑکوں سے دور رہتی ہوں۔ ایک انٹرویو میں رومیسہ نے بتایا کہ بچپن اور نوجوانی میں میرا مزاج لڑکوں کے ساتھ زیادہ میل کھاتا تھا، کیونکہ اس وقت میں ایسی لڑکیوں کیساتھ تھی جن سے میری ذہنی ہم آہنگی نہیں تھی لیکن وقت کے ساتھ ساتھ ترجیحات اور سوچ میں تبدیلی آئی۔

(جاری ہے)

انہوں نے کہا کہ اب میں نے ایسی لڑکیاں ڈھونڈ لی ہیں، جو میری بیسٹ فرینڈز ہیں اور میری پوری دوستی کا دائرہ اب بس وہی ہیں، مرد دوست اب میری زندگی میں تقریبا نہیں رہے۔رومیسہ نے واضح کیا کہ میں مردوں کو جانتی ہوں اور سماجی تقاریب میں ان سے ملاقات بھی ہوتی ہے، لیکن میرے قریبی دائرے میں کوئی مرد دوست شامل نہیں۔ انہوں نے کہا کہ سوشل میڈیا پر انسٹاگرام ڈی ایمز میں مردوں سے دوری اختیار کرتی ہوں اور صرف لڑکیوں سے خوش دلی سے بات کرتی ہوں۔