پراگ نے آئی پی ایل میں لگاتار 6 بالز پر چھکے لگا دیے

شاندار بیٹنگ کے باوجود ان کی ٹیم راجستھان رائلزایک رن سے یہ میچ ہار گئی

منگل 6 مئی 2025 23:02

پراگ نے آئی پی ایل میں لگاتار 6 بالز پر چھکے لگا دیے

کولکتہ(اُردو پوائنٹ اخبارتازہ ترین - آن لائن۔ 06 مئی2025ء) ریان پراگ آئی پی ایل میں لگاتار 6 بالز پر چھکے جڑنے والے پہلے کرکٹر بن گئے۔ انہوں نے یہ اعزاز ایڈن گارڈنز میں کولکتہ نائٹ رائیڈرز کے خلاف میچ میں راجستھان رائلز کی جانب سے کھیلتے ہوئے حاصل کیا۔

(جاری ہے)

13 ویں اوور کی پہلی گیند پر شمرون ہٹمائر نے معین علی کی بولنگ پر سنگل لے کر پراگ کواسٹرائیک دی، جنہوں نے اگلی 4 بالز پر لانگ آن اور اسکوائر لیگ باونڈری کی جانب چھکے جڑے۔ اگلے اوور کی پہلی گیند پر ہٹمائر نے سنگل لے کر پھر اسٹرائیک پراگ کو دی، جنہوں نے ورون چکرورتی کو ریوس سوئپ پر چھکا جڑ کر اپنی 6 قانونی بالز پر 6 چھکے جڑنے کا کارنامہ انجام دیا۔ ان کی ٹیم راجستھان رائلزایک رن سے یہ میچ ہار گئی۔