د*لندنّ 14 سالہ بچہ جھلس کر ہلاک، بچے کی ہلاکت کے الزام میں 14 بچے گرفتار

قتل کے شبے میں 11 سے 14 برس کی عمر کے 14 بچوں کو گرفتار کرلیا گیا، جن میں 3 لڑکیاں بھی شامل

منگل 6 مئی 2025 20:35

Pلندن (اُردو پوائنٹ اخبارتازہ ترین - آن لائن۔ 06 مئی2025ء)نارتھمبریا کے ایک انڈسٹریل یونٹ میں آتشزدگی کے نتیجے میں 14 سالہ لڑکے کی المناک موت ہوگئی۔پولیس کے مطابق لڑکے کے قتل کے شبے میں 11 سے 14 برس کی عمر کے 14 بچوں کو گرفتار کرلیا گیا، جن میں 3 لڑکیاں بھی شامل ہیں۔

(جاری ہے)

ان کا کہنا ہے کہ آتشزدگی کا واقعہ جمعہ کی شام گیٹس ہیڈ کے بل کوئے علاقے میں فیئر فیلڈ انڈسٹریل پارک کے قریب پیش آیا تھا۔

انہوں نے بتایا کہ ہنگامی سروسز نے فوری آگ پر قابو پالیا جس کے بعد جائے وقوعہ سے ایک بچے کی لاش برآمد ہوئی ہے، جس کے بارے میں خیال کیا جاتا ہے کہ یہ لاپتہ ہونے والے نوجوان لڑکے لیٹن کار کی ہے۔پولیس کے مطابق مذکورہ علاقے میں آتشزدگی کے واقعات معمول ہیں تاہم جمعے کو لگنے والی آگ غیر معمولی نوعیت کی تھی جس کے حوالے سے تحقیقات جاری ہیں۔