ڈوپنگ کیس ‘: افریقی بولرربادا کودوبارہ کرکٹ کھیلنے کی اجازت مل گئی

بدھ 7 مئی 2025 16:46

کیپ ٹاؤن(اُردو پوائنٹ اخبارتازہ ترین - این این آئی۔ 07 مئی2025ء)جنوبی افریقی فاسٹ بولر کاگیسو ربادا کو ڈوپنگ پر ایک ماہ پابندی کے بعد فوری طور پر دوبارہ کرکٹ کھیلنے کی اجازت مل گئی۔جنوبی افریقا کے فاسٹ بولر کاگیسو ربادا کا جنوری میں ایس اے 20 کے دوران منشیات کے استعمال کی وجہ سے ڈوپ ٹیسٹ مثبت آیا تھا جس پر انہیں یکم اپریل کو اس وقت معطل کیا گیا جب وہ گجرات ٹائٹنز کی جانب سے آئی پی ایل کھیل رہے تھے۔

(جاری ہے)

3 اپریل کو وہ وطن واپس لوٹ گئے تھے، ان کی پابندی کی مدت 3 ماہ سے کم کرکے ایک ماہ کی گئی جو اب مکمل ہوچکی ہے، اس وجہ سے انھیں فوری طور پر کرکٹ کھیلنے کی اجازت مل گئی، کاگیسو ربادا منگل کو گجرات کی جانب سے ممبئی انڈینز کے خلاف میچ کیلئے دستیاب ہوں گے۔جنوبی افریقہ کے ڈرگ فری سپورٹس بورڈ کی جانب سے اعلامیے میں کہا گیا کہ ایک ماہ پابندی کے دوران ربادا نے ممنوعہ اجزا سے دور رہنے سے متعلق آگاہی اور اصلاحی پروگرامز میں بھی حصہ لیا۔