آئی سی سی مینز کرکٹ ورلڈ کپ، ہالینڈ نے یو اے ای کو 113 رنز کے بڑے مارجن سے شکست دے دی

ہالینڈ کی جانب سے کپتان سکاٹ ایڈورڈز نے شاندار بیٹنگ کا مظاہرہ کرتے ہوئے 74 رنز کی اننگز کھیلی

بدھ 7 مئی 2025 17:12

ایمسٹرڈیم(اُردو پوائنٹ اخبارتازہ ترین - این این آئی۔ 07 مئی2025ء)آئی سی سی مینز کرکٹ ورلڈ کپ لیگ ٹو کے ایک اہم میچ میں ہالینڈ نے متحدہ عرب امارات (یو اے ای) کو 113 رنز کے بڑے مارجن سے شکست دے دی۔ وی آر اے گرائونڈ میں کھیلے گئے اس میچ میں ہالینڈ نے پہلے بیٹنگ کرتے ہوئے مقررہ 50 اوورز میں 7 وکٹوں کے نقصان پر 272 رنز کا بڑا مجموعہ ترتیب دیا۔

(جاری ہے)

ہالینڈ کی جانب سے کپتان سکاٹ ایڈورڈز نے شاندار بیٹنگ کا مظاہرہ کرتے ہوئے 74 رنز کی اننگز کھیلی۔

یو اے ای کی ٹیم ہدف کے تعاقب میں دباؤ کا شکار نظر آئی اور پوری ٹیم 41.2 اوورز میں محض 159 رنز پر ڈھیر ہو گئی۔یو اے ای کی جانب سے علی شان نے سب سے زیادہ 58 رنز بنائے تاہم دیگر بیٹرز نمایاں کارکردگی دکھانے میں ناکام رہے۔ ہالینڈ کے پال وان میکیرن نے عمدہ بولنگ کرتے ہوئے تین کھلاڑیوں کو پویلین کی راہ دکھائی۔ میچ میں بہترین کارکردگی پر سکاٹ ایڈورڈز کو پلیئر آف دی میچ قرار دیا گیا۔