Live Updates

مقامی کاٹن مارکیٹ میں گزشتہ ہفتے کے دوران روئی کے بھا ؤ میں استحکام رہا

کراچی کاٹن اسوسی ایشن کی اسپاٹ ریٹ کمیٹی نے اسپاٹ ریٹ فی من 16300 روپے کے بھاؤ پر مستحکم رکھا

ہفتہ 12 جولائی 2025 18:54

مقامی کاٹن مارکیٹ میں گزشتہ ہفتے کے دوران روئی کے بھا ؤ میں استحکام ..

کراچی (اُردو پوائنٹ اخبارتازہ ترین - این این آئی۔ 12 جولائی2025ء)مقامی کاٹن مارکیٹ میں گزشتہ ہفتے کے دوران روئی کے بھا ؤمیں نسبتا استحکام رہا۔ صوب سندھ میں روئی کا بھاؤ فی من 16000 تا 16400 رہا پھٹی کے بھاؤ میں اضافہ واقع ہوا فی 40 کلو 6800 تا 7200 روپے رہا صوب پنجاب میں روئی کے بھا ؤمیں اضافہ واقع ہوا فی من 16700 تا 17200 روپے رہا پھٹی کا بھاؤ فی 40 کلو 6800 تا 7600 روپے رہا گزشتہ بارشوں سے فصل کو نسبتا فائدہ ہوا اگر مزید بارش ہوتی ہے اور اگر پانی کھیت میں روکنے کی صورت میں فصل کو نقصان ہو سکتا ہے فی الحال پنجاب میں بارش کی وجہ سے روئی کا کاروبار متاثر ہو رہا ہے۔

پھٹی کا بھا کم ہونے سے کپاس کے کاشتکار اضطراب میں ہے ان کا کہنا ہے کہ فصل کی input مہنگی ہے لیکن پھٹی کا بھا کم ہونے سے ان کو نقصان ہو رہا ہے بہرحال ہفتے کے دوران کاروباری حجم بہتر رہا حکومت نے روئی یارن اور کپڑے کی درامد سے E F S کی سہولت واپس لے لی ہیں اور ان پر 10 تا 18 فیصد سیلز ٹیکس عائد کر دیا ہے اس طرح مقامی روئی کے لئے LEVEL PLAYING FIELD محیا کر دی ہے تاہم ابھی نوٹیفکیشن کا انتظار ہے۔

(جاری ہے)

دریں اثنا کسان اتحاد کے چیئرمین محمد خالد کھوکر نے سخت الفاظ میں بیان دیتے ہوئے کہا کہ کپاس اور گندم کے کاشکاروں کی بہت برے حالات ہیں انھوں نے کہا "پاکستان میں آگے گندم اور کپاس کاشت نہیں ہوگی" نئے ریٹ سے کسان کے گھر صف ماتم بچھا ہوا ہے کاٹن سیس بقایا جات پی سی سی سی اور آل پاکستان ٹیکسٹائل ملز ایسوسی ایشن کے درمیان معاہدے طے پا گیا اپٹما اور پی سی سی سی نے کپاس کے شعبے کی بحالی کے لئے ہاتھ ملا لیا۔

کراچی کاٹن اسوسی ایشن کی اسپاٹ ریٹ کمیٹی نے اسپاٹ ریٹ فی من 16300 روپے کے بھاؤ پر مستحکم رکھا۔کراچی کاٹن بروکرز فورم کے چیئرمین نسیم عثمان نے بتایا کے بین الاقوامی کاٹن کے بھاؤ میں کمی واقع ہوئی۔ نیو یارک کاٹن کے وعدے کا بھا فی پانڈ 66 تا 68 امریکن سینٹ چل رہا ہے۔ USDA کی ہفتہ وار برآمدی اور فروخت رپورٹ کے مطابق سال 2024-25 کیلئے 75 ہزار 100 گانٹھوں کی فروخت ہوئی۔