Live Updates

نصرت فتح علی کے یادگارگانے کا ریمیک؛ فلک شبیرکی عاطف اسلم پر تنقید

بدھ 7 مئی 2025 22:23

لاہور(اُردو پوائنٹ اخبارتازہ ترین - آن لائن۔ 07 مئی2025ء) پاپ گلوکار فلک شبیر نے پاکستان میوزک کے لیجنڈری گلوکار نصرت فتح علی خان کے شاہکار گیت سانوں اِک پل چین نہ آوے کے نئے ری میک پر اپنی ناپسندیدگی کا اظہار کیا ہے۔نصرت فتح علی خان کا یہ گیت عاطف اسلم نے اپنی آواز میں نئے انداز سے گایا ہے لیکن یہ تخلیقی تجربہ ہر کسی کو پسند نہیں آیا۔

(جاری ہے)

پاپ گلوکار فلک شبیر نے نام لیے بغیر عاطف اسلم پر تنقید کرتے ہوئے کہا، خان صاحب کو آرام کرنے دیں اور اصل موسیقی بنائیں۔ ان کا یہ تبصرہ انسٹاگرام اسٹوری پر شیئر کیا گیا جو فورا وائرل ہوگیا۔عاطف اسلم کا یہ گانا دراصل ایک ڈیجیٹل کولیبریشن ہے جس میں نصرت فتح علی خان کی اصل آواز کو عاطف کی آواز کے ساتھ ملا کر ایک نیا امتزاج پیش کیا گیا ہے۔ سوشل میڈیا پر اس معاملے پر مداحوں کی رائے منقسم ہے۔ کچھ لوگ عاطف کے حق میں ہیں اور اسے ایک تخلیقی کاوش قرار دے رہے ہیں، جبکہ دوسرے فلک شبیر کی حمایت کرتے ہوئے کہہ رہے ہیں کہ نصرت فتح علی خان کے شاہکار گانوں کو چھیڑنا مناسب نہیں۔