اپریل میں اوورسیز پاکستانیوں نے 3.2 ارب ڈالر وطن بھیجے

سعودیہ سے 725.4 ملین ڈالر، یو اے ای 657.6 ملین ڈالر، برطانیہ 535.3ملین ڈالر، امریکا سے 302.4 ملین ڈالر آئے، رپورٹ

جمعہ 9 مئی 2025 21:35

اپریل میں اوورسیز پاکستانیوں نے 3.2 ارب ڈالر وطن بھیجے

اسلام آباد (اُردو پوائنٹ اخبارتازہ ترین - این این آئی۔ 09 مئی2025ء)اپریل میں اوورسیز پاکستانیوں کی جانب سے 3.2 ارب ڈالر وطن بھیجے گئے، سب سے زیادہ رقومات سعودیہ عرب میں مقیم پاکستانیوں نے ارسال کیں۔ جاری رپورٹ کے مطابق اپریل 2025ء کے دوران کارکنوں کی ترسیلات زر میں 3.2 ارب ڈالر بھیجے گئے، نمو کے لحاظ سے ترسیلات زر میں سال بہ سال بنیادوں پر 13.1 فیصد کا اضافہ ہوا۔

(جاری ہے)

جولائی تا اپریل مالی سال 25ء کے دوران ترسیلاتِ زر میں مجموعی طور پر 31.2 ارب ڈالر آئے، جبکہ جولائی تا اپریل مالی سال 24ء کے دوران 23.9 ارب ڈالر موصول ہوئے تھے اس طرح ترسیلات زر میں 30.9 فیصد اضافہ ہوا۔اپریل 2025ء کے دوران کارکنوں کی ترسیلات زر زیادہ تر سعودی عرب (725.4 ملین ڈالر)، متحدہ عرب امارات (657.6 ملین ڈالر)، برطانیہ (535.3ملین ڈالر) اور ریاست ہائے متحدہ امریکہ سے موصول ہوئیں۔