فیصل آباد کنال روڈ پر تیز رفتار کار نے موٹر سائیکل کوہٹ کیا ،ایک شخص جاں بحق، خاتون زخمی، بچہ لاپتہ

ہفتہ 10 مئی 2025 14:49

مکوآنہ(اُردو پوائنٹ اخبارتازہ ترین - این این آئی۔ 10 مئی2025ء)چیمبر آف کامرس پل، کنال روڈ فیصل آباد کے قریب افسوسناک ٹریفک حادثے میں ایک شخص جاں بحق جبکہ ایک خاتون شدید زخمی ہو گئی۔

(جاری ہے)

ریسکیو 1122کے مطابق حادثے میں 35سے 40سالہ نامعلوم شخص موقع پر دم توڑ گیاض جبکہ تقریباً 35سالہ نامعلوم خاتون کو ابتدائی طبی امدادض اور سی پی آر فراہم کرنے کے بعد الائیڈ ہسپتال منتقل کر دیا گیا۔

حادثے کے بعد ایک بچہ لاپتا ہے جس کے بارے میں خدشہ ظاہر کیا جا رہا ہے کہ وہ نہر میں گر گیا ہے۔ بچے کی تلاش کیلئے نہر کے اندر اور باہر سرچ آپریشن جاری ہے۔ عینی شاہدین کے مطابق موقع پر اندھیرا تھا اور بچے کی موجودگی کی تصدیق نہیں ہو سکی تاہم سڑک پر ملنے والے جوتوں کی بنیاد پر شک ظاہر کیا جا رہا ہے کہ بچہ بھی گاڑی میں سوار تھا۔