آئی سی سی مینز کرکٹ ورلڈ کپ لیگ 2 میں متحدہ عرب امارات (یو اے ای) نے سکاٹ لینڈ کو 97 رنز سے ہرا دیا

ہفتہ 10 مئی 2025 17:42

ایمسٹرڈیم(اُردو پوائنٹ اخبارتازہ ترین - این این آئی۔ 10 مئی2025ء)آئی سی سی مینز کرکٹ ورلڈ کپ لیگ 2 میں متحدہ عرب امارات (یو اے ای) نے سکاٹ لینڈ کو 97 رنز سے ہرا دیا۔ فاتح ٹیم نے پہلے بیٹنگ کرتے ہوئے مقررہ 50 اوورز میں 6 وکٹوں کے نقصان پر 296 رنز بنائے۔

(جاری ہے)

کپتان راہول چوپڑا نے شاندار بیٹنگ کا مظاہرہ کیا اور 101 رنز بنائے۔ سکاٹ لینڈ کی ٹیم مطلوبہ ہدف حاصل کرنے میں ناکام رہی اور پوری ٹیم 43.3 اوورز میں 199 رنز بنا کر آؤٹ ہو گئی۔ جارج مونسے 43 رنز کے ساتھ ٹاپ اسکورر رہے۔ یو اے ای کی جانب سے سمرنجیت سنگھ نے چار اور ایان افضل نے تین وکٹیں حاصل کیں۔