Live Updates

پاک بھارت جنگ بندی خوش آئند ، خطے میں ترقی اور تعاون کو فروغ حاصل ہو گا، افتخار علی ملک

اتوار 11 مئی 2025 13:30

لاہور (اُردو پوائنٹ اخبارتازہ ترین - اے پی پی۔ 11 مئی2025ء) سارک چیمبر آف کامرس اینڈ انڈسٹری کے سابق صدر افتخار علی ملک نے پاک بھارت جنگ بندی کا خیر مقدم کرتے ہوئے کہا ہے کہ اس سے خطے میں ترقی، تعاون اور استحکام کو فروغ حاصل ہو گا۔

(جاری ہے)

اتوار کو یہاں ایک بیان میں انہوں نے کہا کہ جنگ بندی جوہری ہتھیاروں سے لیس پڑوسی ممالک کے درمیان اعتماد کی بحالی کا ایک اہم موقع ہے۔ انہوں نے کہا کہ پائیدار امن خوشحالی کی بنیاد ہے، اس لیے دونوں ممالک کو بات چیت اور تعاون کو ترجیح دینا ہو گی۔ انہوں نے امن کو فروغ دیتے ہوئے خطے کی 1.9بلین آبادی کی صلاحیتوں سے فائدہ اٹھانے کی ضرورت پر زور دیا۔ افتخار علی ملک نے اس امید کا اظہار کیا کہ جنگ بندی سے کثیرالجہتی تعاون بحال ہو گا۔