سپیکر قومی اسمبلی سردار ایاز صادق کا ڈپٹی اسپیکر قومی اسمبلی سید غلام مصطفی شاہ کی پھوپھی کی وفات پر اظہارِ تعزیت

اتوار 11 مئی 2025 20:40

اسلام آباد (اُردو پوائنٹ اخبارتازہ ترین - این این آئی۔ 11 مئی2025ء) اسپیکر قومی اسمبلی سردار ایاز صادق نے ڈپٹی اسپیکر قومی اسمبلی سید غلام مصطفی شاہ کی پھوپھی اور سابق رکن قومی اسمبلی مرحوم سید شبیر احمد شاہ اور سابق صوبائی وزیر سید بشیر احمد شاہ کی ہمشیرہ کے انتقال پر گہرے رنج و غم کا اظہار کیا ہے۔

(جاری ہے)

اسپیکر قومی اسمبلی نے اپنے تعزیتی پیغام میں ڈپٹی اسپیکر سید غلام مصطفی شاہ اور مرحومہ کے اہلخانہ سے دلی تعزیت اور ہمدردی کا اظہار کرتے ہوئے کہا کہ مرحومہ کا انتقال اہلخانہ کے لیے ایک ناقابلِ تلافی نقصان ہے۔

انہوں نے کہا کہ دکھ کی اس گھڑی میں وہ غمزدہ خاندان کے ساتھ برابر کے شریک ہیں۔اسپیکر قومی اسمبلی سردار ایاز صادق نے اللہ تعالیٰ سے دعا کی کہ مرحومہ کو اپنی جوارِ رحمت میں اعلیٰ مقام عطا فرمائے، ان کی مغفرت فرمائے اور پسماندگان کو صبرِ جمیل عطا فرمائے۔