ّتھانہ کورال کیس، 17 جولائی کو پی ٹی آئی رہنماؤں پر فرد جرم کیلئے 17جولائی کی تاریخ مقرر

ّ بیرسٹر گوہر، علی امین گنڈاپور، بیرسٹر سیف، عمر ایوب اور دیگر مقدمے میں ملزم نامزد ہیں

پیر 12 مئی 2025 20:40

1اسلام آباد(اُردو پوائنٹ اخبارتازہ ترین - آن لائن۔ 12 مئی2025ء)عدالت نے 4 اکتوبر کو احتجاج پر تھانہ کورال میں درج مقدمے میں 17 جولائی کو پی ٹی آئی رہنماؤں پر فرد جرم عائد کرنے کی تاریخ مقرر کردی۔اس مقدمے میں نامزد پی ٹی آئی رہنماؤں بیرسٹر گوہر، علی امین گنڈاپور، بیرسٹر سیف، عمر ایوب اور دیگر مقدمے میں ملزم نامزد ہیں۔

(جاری ہے)

ڈسٹرکٹ اینڈ سیشن کورٹ اسلام آباد میں پی ٹی آئی رہنماؤں کے خلاف 4 اکتوبر کو احتجاج پر تھانہ کورال میں درج مقدمے میں سماعت ہوئی۔

جوڈیشل مجسٹریٹ شائستہ کنڈی نے پی ٹی آئی رہنماؤں کے خلاف کیس کی سماعت کی۔پراسیکیوشن نے پی ٹی آئی رہنماؤں کے خلاف کیس کا چالان عدالت میں پیش کردیا۔سماعت کے دوران پی ٹی آئی کے 29 ورکرز عدالت میں پیش ہوئے۔بیرسٹر گوہرعلی، علی امین گنڈاپور، بیرسٹر سیف اور عمر ایوب کی حاضری سے استثنیٰ کی درخواست جمع کروادی گئی۔عدالت نے 17 جولائی کو پی ٹی آئی رہ نماؤں پر فرد جرم عائد کرنے کی تاریخ مقرر کردی۔