اسلام آباد ہائیکورٹ کاعلیمہ خان اور رﺅف حسن کے نام سفری پابندیوں سے نکالنے کا حکم

عدالت کا علیمہ خان کو بیرون ملک جانے کیلئے ٹرائل کورٹ سے رجوع کرنے کا بھی حکم ،عدالت نے روف حسن کا نام ای سی ایل میں شامل کرنے کا حکم غیر قانونی اور بدنیتی پر مبنی قرار دیدیا

فیصل علوی منگل 13 مئی 2025 11:18

اسلام آباد ہائیکورٹ کاعلیمہ خان اور رﺅف حسن کے نام سفری پابندیوں سے ..

اسلام آباد(اردوپوائنٹ اخبار تازہ ترین۔13 مئی 2025)اسلام آباد ہائیکورٹ نے بانی پی ٹی آئی کی ہمشیرہ علیمہ خان اورپی ٹی آئی رہنماءرﺅف حسن کے نام سفری پابندیوں سے نکالنے کا حکم دیدیا،عدالت کا علیمہ خان کو بیرون ملک جانے کیلئے ٹرائل کورٹ سے رجوع کرنے کا بھی حکم ،جسٹس خادم حسین سومرو نے علیمہ خان کی درخواست پر فیصلہ سنایا۔ وکیل ایڈووکیٹ علی بخاری، خالد یوسف چوہدری اور نیاز اللہ نیازی عدالت میں پیش ہوئے۔

عدالت نے علیمہ خان کو ہدایت دی کہ وہ بیرون ملک سفر کیلئے متعلقہ ٹرائل کورٹ سے رجوع کریں تاکہ ضروری قانونی کارروائی مکمل کی جا سکے۔دوسری جانب اسلام آباد ہائی کورٹ نے پی ٹی آئی کے مرکزی سیکریٹری اطلاعات روف حسن کا نام ای سی ایل سے نکالنے کا حکم دے دیا۔

(جاری ہے)

عدالت نے روف حسن کا نام ای سی ایل میں شامل کرنے کا حکم غیر قانونی اور بدنیتی پر مبنی قرار دیدیا۔

جسٹس انعام امین منہاس نے روف حسن کا نام ای سی ایل سے نکالنے کی درخواست منظور کر لی، روف حسن کو بیرون ملک سفر کی اجازت کیلئے ٹرائل کورٹ سے رجوع کرنے کی ہدایت کر دی۔وکیل کے مطابق روف حسن کینسر سروائیور ہیں اور انہیں ہر چھ ماہ بعد برطانیہ میں طبی چیک اپ کیلئے جانا ہوتا ہے۔ عدالت کو بتایا گیا کہ ایف آئی اے کی سفارش پر ڈی جی امیگریشن نے 26 اگست 2024 کو ان کا نام پی سی ایل میں شامل کیاحالانکہ پٹیشنر کے خلاف درج ایف آئی اے کیس میں وہ ضمانت پر ہیں اور ریاست نے ان کی ضمانت منسوخی کی کوئی درخواست دائر نہیں کی۔

جسٹس انعام امین منہاس نے روف حسن کا نام ای سی ایل سے نکالنے کی درخواست منظور کر لی۔ روف حسن کو بیرون ملک سفر کی اجازت کیلئے ٹرائل کورٹ سے رجوع کرنے کی ہدایت کر دی۔عدالت نے ریمارکس دئیے کہ ٹرائل کورٹ روف حسن کی درخواست پر قانون کے مطابق جلد فیصلہ کرے۔عدالتی حکم میں کہا گیا کہ وکیل کے مطابق پٹیشنر پر ایف آئی اے کا مقدمہ ہے جس میں وہ ضمانت پر ہیں۔

وکیل نے دلائل دئیے کہ محض مقدمہ درج ہونے پر کسی کا نام ای سی ایل میں شامل کرنا بلا جواز ہے۔ وکیل کے مطابق روف حسن کا ہر چھ ماہ بعد یو کے میں چیک اپ ہوتا ہے۔عدالتی فیصلے کے مطابق پٹیشنر اپنے خلاف درج مقدمہ میں ضمانت پر ہے اور ریاست نے ضمانت منسوخی دائر نہیں کی۔ وفاقی حکومت سے روف حسن پر سفری پابندیاں عائد کرنے کی منظوری نہیں لی گئی۔ پاسپورٹ رولز کے مطابق ملک میں داخلے اور روانگی کو ریگولیٹ کرنے کی اتھارٹی وفاقی حکومت کے پاس ہے۔بعدازاں اسلام آباد ہائی کورٹ نے پی ٹی آئی کے مرکزی سیکرٹری اطلاعات روف حسن کا نام ای سی ایل سے نکالنے کا حکم دے دیا۔