گورنر خیبر پختونخوا سے پہلی خاتون ریسر عائلہ ملک کی ملاقات،ڈی آئی خان آف روڈ جیپ ریس میں دوسری پوزیشن حاصل کرنے پر مبارکباد

منگل 13 مئی 2025 19:40

پشاور(اُردو پوائنٹ اخبارتازہ ترین - این این آئی۔ 13 مئی2025ء) گورنر خیبر پختونخوا فیصل کریم کنڈی سے ڈیرہ اسماعیل خان کی پہلی خاتون ریسر عائلہ ملک نے منگل کے روزگورنر ہاؤس پشاور میں ملاقات کی۔گورنرنے عائلہ ملک کو ڈی آئی خان آف روڈ جیپ ریس میں دوسری پوزیشن حاصل کرنے پر مبارکباد پیش کی اورشیلڈ بھی پیش کی۔

(جاری ہے)

اس موقع پر گورنر خیبرپختونخوا کا کہناتھاکہ عائلہ ملک کی آف روڈ جیپ ریس میں شمولیت دوسری خواتین کیلئے رول ماڈل ہے،عائلہ ملک نے ثابت کیا کہ اس صوبے کی خواتین قابلیت میں کسی سے کم نہیں۔

گورنرنے کہاکہ صوبے کی خواتین کو درست رہنمائی اور حوصلہ افزائی سے آگے بڑھنے کے مواقع فراہم کئے جا سکتے ہیں،عائلہ ملک نے آف روڈ ریس میں اپنی صلاحیتوں کا لوہا منوا کر ڈی آئی خان کا نام روشن کیا۔گورنرنے کہاکہ بحیثیت گورنر صوبے کے قابل و ہو نہار نوجوان و خواتین پر خصوصی توجہ دے رہا ہوں۔