کاشتکاروں کو فوری طورپر لوبیا کی کاشت شروع کرنے کا مشورہ

جمعرات 15 مئی 2025 14:29

ٖفیصل آباد (اُردو پوائنٹ اخبارتازہ ترین - اے پی پی۔ 15 مئی2025ء) محکمہ زراعت کی جانب سے کاشتکاروں کو لوبیا کی کاشت فوری شروع کرنے کامشورہ دیا گیا ہے اور کہا گیا ہے کہ مئی کے وسط سے جون تک لوبیے کی کاشت انتہائی مفید اور خصوصی اہمیت کی حامل ہے۔

(جاری ہے)

محکمہ زراعت توسیع فیصل آباد کے اسسٹنٹ ڈائریکٹرعامرصدیق نے بتایاکہ لوبیا کو عام طور پر چارے کیلئے کاشت کیا جاتا ہے کیونکہ اس کا چارہ انتہائی لذیز ہونے کے ساتھ ساتھ ذود ہضم بھی ہوتا ہے جو گائیوں او ر بھینسوں میں خاص طور پر بے حد مفید اور دودھ کی پیداوار بڑھانے میں بھی معاونت کرتاہے۔

انہوں نے کہاکہ لوبیے کی پھلیوں کو سبزی کے طور پر جبکہ اس کے پکے ہوئے دانوں کو دال کے طور پر بھی پکا کر کھایا جاتا ہے جو ذائقے میں بہت لذت کے حامل ہیں۔ انہوں نے کہا کہ کاشتکار فوری طور پر لوبیے کی فصل کی کاشت کا آغاز کر دیں اور اس کیلئے ذرخیز میرا زمین کا انتخاب کیا جائے تاکہ بہتر پیداوارحاصل ہو سکے۔