کارلوس الکاراز اٹالین اوپن ٹینس مینز سنگلز سیمی فائنل میں پہنچ گئے،سیکنڈ سیڈڈ الیگزینڈر زویروف باہر

جمعرات 15 مئی 2025 16:54

روم (اُردو پوائنٹ اخبارتازہ ترین - اے پی پی۔ 15 مئی2025ء) سپین کے شہرت یافتہ ٹینس سٹار،4 گرینڈ سلام کے چیمپئن اور ایونٹ کے تھرڈ سیڈڈ کارلوس الکاراز اور اٹلی کے ٹینس کھلاڑی لورینزو موسیٹی اپنی عمدہ کارکردگی کی بدولت اے ٹی پی اٹالین اوپن ٹینس ٹورنامنٹ میں مردوں کے سنگلز مقابلوں کے سیمی فائنل میں پہنچ گئے جبکہ جرمنی کے نامور ٹینس سٹار سیکنڈ سیڈڈ اور ایونٹ کے دفاعی چیمپئن الیگزینڈر زویروف کوارٹر فائنل رائونڈ میں ہار کر ایونٹ سے باہر ہوگئے۔

22 سالہ ہسپانوی ٹینس سٹار نے مردوں کے کوارٹر فائنل میچ میں برطانوی حریف کھلاڑی جیک ڈریپر کو شکست دی،اٹلی کے ٹینس کھلاڑی لورینزو موسیٹی نے مینز سنگلز کوارٹر فائنل میچ میں 28 سالہ جرمن ٹینس سٹار اور ایونٹ کے دفاعی چیمپئن الیگزینڈر زویروف کو شکست دی ۔

(جاری ہے)

اٹالین اوپن ٹینس ٹورنامنٹ کے کانٹے دار مقابلوں کا سلسلہ اٹلی میں جاری ہے جس میں شائقین ٹینس کو انتہائی دلچسپ اور کانٹے دار مقابلے دیکھنے کو مل رہے ہیں۔

مردوں کے سنگلز مقابلوں کے کوارٹر فائنل رائونڈ کے میچ میں 22 سالہ ہسپانوی ٹینس سٹار نے شاندار کارکردگی کا مظاہرہ کرتے ہوئے برطانوی حریف کھلاڑی جیک ڈریپر کو سٹریٹ سیٹس میں 4-6 اور 4-6 سے شکست دے کر ٹاپ فور رائونڈکے لئے کوالیفائی کرلیا۔کوارٹر فائنل رائونڈ کے ایک اور میچ میں اٹلی کے ٹینس کھلاڑی لورینزو موسیٹی نے عمدہ کھیل پیش کرتے ہوئے جرمنی کے نامور ٹینس سٹار سیکنڈ سیڈڈ اور ایونٹ کے دفاعی چیمپئن الیگزینڈر زویروف کو ٹائی بریک پر سٹریٹ سیٹس میں 6-7(1-7) اور 4-6سے ہرا کر سیمی فائنل کے لئے کوالیفائی کرلیا۔\932