Live Updates

بنگلا دیش کرکٹ بورڈ کو حکومت سے دورہ پاکستان کیلئے گرین سگنل مل گیا

جمعہ 16 مئی 2025 19:19

ڈھاکہ (اُردو پوائنٹ اخبارتازہ ترین - این این آئی۔ 16 مئی2025ء)بنگلا دیش کرکٹ بورڈ کو حکومت سے دورہ پاکستان کے لیے گرین سگنل مل گیا۔بنگلا دیش کرکٹ بورڈ کے حکام کے مطابق حکومت کی جانب سیگرین سگنل مل گیا ہے تاہم ابھی حکومت کی طرف سے تحریری طور پر آگاہ نہیں کیا گیا۔بی سی بی آفیشل کے مطابق تحریری اجازت ملنے کے بعد کھلاڑیوں سے بات کریں گے۔

(جاری ہے)

خیال رہے کہ بنگلا دیش اور پاکستان کے درمیان پانچ ٹی ٹوئنٹی میچز کی سیریز شیڈولڈ ہے۔

سیریز کے لیے 25 مئی سے 3 جون تک شیڈول کا اعلان کیا گیا تھا تاہم پی ایس ایل کی وجہ سے سیریز میں ردو بدل کیا جائیگا۔سیریز 27 مئی سے 5 جون تک کرانے کی تجویز دی گئی ہے۔ سیریز کا پہلا میچ فیصل آباد کے بجائے لاہور میں کرانیکا آپشن بھی زیر غور ہے۔لاجسٹک کی وجہ سے لاہور میں پہلا میچ کرانے کے آپشن پر غور کیا جا رہا ہے۔