فورتھ سیڈڈ کوکوگف اٹالین اوپن ٹینس ویمنزسنگلز فائنل میں داخل

22 سالہ چین کی ٹینس کھلاڑی ڑینگ کنوین خواتین کے سنگلز مقابلوں کے سیمی فائنل رائونڈ میچ میں شکست کے بعد ایونٹ سے بہر

جمعہ 16 مئی 2025 19:16

فورتھ سیڈڈ کوکوگف اٹالین اوپن ٹینس ویمنزسنگلز فائنل میں داخل

روم(اُردو پوائنٹ اخبارتازہ ترین - این این آئی۔ 16 مئی2025ء)امریکی نامور ٹینس سٹار اور ایونٹ کی فورتھ سیڈڈ کوکوگف اور اٹلی کی ٹینس کھلاڑی جیسمین پاؤلینی اپنی فتوحات کے تسلسل کو برقرار رکھتے ہوئے اٹالین اوپن ٹینس ٹورنامنٹ میں خواتین کے سنگلز مقابلوں فائنل میں پہنچ گئی جبکہ 22 سالہ چین کی ٹینس کھلاڑی ڑینگ کنوین خواتین کے سنگلز مقابلوں کے سیمی فائنل رائونڈ میچ میں شکست کے بعد ایونٹ سے باہر ہوگئی۔

21 سالہ امریکی ٹینس سٹار اور 2023 کی یوایس اوپن چیمپئن کوکوگف نے ویمنز سنگلز سیمی فائنل میچ میں چین کی ٹینس کھلاڑی ڑینگ کنوین کو شکست دی اور فائنل کے لئے کوالیفائی کیا۔ اٹالین اوپن ٹینس ٹورنامنٹ کے کانٹے دار مقابلوں میںامریکی نامور ٹینس سٹار اور ایونٹ کی فورتھ سیڈڈ کوکوگف نے عمدہ کھیل کا مظاہرہ کرتے ہوئے خواتین کے سنگلز مقابلوں کے سیمی فائنل رائونڈ میچ میں 22 سالہ چین کی ٹینس کھلاڑی ڑینگ کنوین کو 6-7(3-7)،6-4 اور 6-7(4-7)سے شکست دے کر ٹورنامنٹ کے فائنل کے لئے کوالیفائی کرلیا،جہاں کوکوگف کا مقابلہ اٹلی کی ٹینس کھلاڑی جیسمین پاؤلینی سے ہوگا۔

(جاری ہے)

اٹلی کی ٹینس سٹار جیسمین پاؤلینی نے شاندار کارکردگی کا مظاہرہ کرتے ہوئے دوسرے سیمی فائنل میچ میں امریکی حریف ٹینس کھلاڑی پیٹن سٹرنز کو سٹریٹ سیٹس میں 5-7 اور 1-6 سے ہرا کر فائنل کے لئے کوالیفائی کرلیا۔