جو سیلسبری اور نیل سکوپسکی اٹالین اوپن ٹینس مینز ڈبلز سیمی فائنل میں پہنچ گئے

جمعہ 16 مئی 2025 13:06

روم (اُردو پوائنٹ اخبارتازہ ترین - اے پی پی۔ 16 مئی2025ء) انگلینڈکے ٹینس سٹار جوسیلسبری اور ان کے ہم وطن جوڑی دار نیل سکوپسکی پر مشتمل برطانوی جوڑی اٹالین اوپن ٹینس ٹورنامنٹ مینز ڈبلز سیمی فائنل میں پہنچ گئے ۔فاتح برطانوی جوڑی نے عمدہ کھیل پیش کرتے ہوئے مردوں کے ڈبلز مقالوں کے کوارٹر فائنل رائونڈ میچ میں سپین کے ٹینس سٹار مارشل گرانولر اور ان کے ارجنٹائن کے جوڑی دار ہوراشیو زیبالوس پر مشتمل ایونٹ کی فورتھ سیڈڈ جوڑی کو شکست دی اور ٹاپ فور رائونڈ کے لئے کوالیفائی کیا۔

(جاری ہے)

اے ٹی پی کے زیر اہتمام اٹالین اوپن کے دلچسپ مقابلے اٹلی کے دارالحکومت روم میں جاری ہیں ،جس میں شائقین ٹینس کو عمدہ میچز دیکھنے کو مل رہے ہیں۔ مینز ڈبلز مقابلوں کے کوارٹر فائنل رائونڈ میچ میں انگلینڈکے ٹینس سٹار جوسیلسبری اور ان کے ہم وطن جوڑی دار نیل سکوپسکی پر مشتمل برطانوی جوڑی عمدہ کارکردگی کا مظاہرہ کرتے ہوئے سپین کے ٹینس سٹار مارشل گرانولر اور ان کے ارجنٹائن کے جوڑی دار ہوراشیو زیبالوس پر مشتمل ایونٹ کی فورتھ سیڈڈ جوڑی کو سٹریٹ سیٹس میں3-6 اور2-6سے ہرا کر سیمی فائنل کے لئے کوالیفائی کر لیا ۔\932