ملک بھر میں جعلی اور غیر معیاری ادویات کے کیخلاف ملک گیر کریک ڈاؤن کا آغاز

اسلام آباد (اُردو پوائنٹ اخبارتازہ ترین - اے پی پی۔ 16 مئی2025ء) وزیر اعظم کی ہدایت پر وفاقی وزیر صحت سید مصطفیٰ کمال کی قیادت میں بڑے پیمانے پر جعلی اور غیر معیاری ادویات کے کیخلاف ملک گیر کریک ڈاؤن کا آغاز کیا جا رہا ہے۔ اس سلسلہ میں وفاقی وزیر صحت مصطفیٰ کمال کی زیر صدارت وزارت صحت میں ایک اہم بین الصوبائی وزارتی اجلاس منعقد ہوا ۔اجلاس میں میں جعلی اور غیر معیاری ادویات کے خاتمے کیلیے جاری اقدامات اور کوششوں کا جائزہ لیا گیا ۔

وفاق اور صوبوں نے عوام کی فلاح و بہبود کیلئے ملکر کام کرنے کے عزم کا اعادہ کیا۔وزیر صحت سید مصطفیٰ کمال نے کہا کہ 19 مئی 2025 سے جعلی اور غیر معیاری ادویات کے خلاف ملک گیر کریک ڈاؤن کا آغاز کیا جا رہا ہے۔ملک گیر مہم کا آغاز "نیشنل ٹاسک فورس 2025 " کی بحالی سے کیا گیا ہے۔

(جاری ہے)

یہ صرف ٹاسک فورس نہیں، ایک قومی ذمہ داری ہے،جعلی ادویات صرف ریگولیٹری مسئلہ نہیں، بلکہ ایک قومی ہنگامی صورتحال ہیں۔

انسانی جانوں کو لاحق خطرہ اور عوامی اعتماد کو نقصان ناقابلِ قبول ہے ۔انسانی جانوں سے کھیلنے کی اجازت نہیں دی جا سکتی، 19 مئی سے ملک بھر میں وسیع انسپیکشنز اور نفاذی کارروائیاں دوبارہ شروع ہوں گی ۔انہوں نے کہا کہ وفاق، صوبے، کسٹمز، ایف آئی اے اور دیگر ادارے مل کر مہم کو آگے بڑھائیں گے ۔دوا ساز فیکٹریوں اور ڈسٹری بیوشن نیٹ ورکس کی سخت نگرانی کی جایے گی ۔

منصوبہ بندی کے تحت ملک بھر میں مارکیٹ سرویلنس، خفیہ شکایات پر چھاپے مارے جائیں گے ۔قانون شکنی پر ملوث عناصر کے خلاف سخت قانونی کارروائی کی جائےگی ۔انہوں نے کہا کہ شہریوں کو جعلی ادویات کی پہچان اور شکایت درج کرانے کے ٹولز فراہم کیے جائیں گے۔ڈریپ ایک جدید موبائل ایپلیکیشن متعارف کروا رہا ہے جو مختلف سہولیات فراہم کرے گی ۔بارکوڈ سکیننگ کے ذریعے ادویات کی فوری تصدیق جعلی یا اصلی کو یقینی بنایا جایے گا ۔

مشتبہ جعلی مصنوعات کی رپورٹنگ کو یقینی بنایا جایے گا ۔ادویات کی کمی یا منفی اثرات سے متعلق ڈریپ کو مطلع کیا جائے گا ۔یہ فیصلہ کن گھڑی ہے واضح کریں گے کہ کون سی دوا شفا اور کون سی نقصان دیتی ہے،عوامی شعور ہمارا سب سے طاقتور ہتھیار ہے۔انہوں نے کہا کہ ہم صرف قانون کا نفاذ نہیں، بلکہ ہر فرد کو اپنی صحت کا محافظ بنا رہے ہیں ۔یہ مہم ضابطہ نہیں، ایک قومی تحریک ہے تمام شعبے اس میں شریک ہیں ۔

جس میں حکومتی ادارے، نجی شعبہ، صحت کے ماہرین، فارماسسٹ، اور عوام سب شریک ہوں گے ۔ ایسا نظام تشکیل دے رہے ہیں جہاں ہر گھر، کلینک، اور اسپتال میں موجود ہر دوا قابلِ بھروسہ ہو۔ہمارے فیصلوں اور اقدامات سے انسانی زندگی پر گہرے اثرات مرتب ہوتے ہیں ۔یقینی بنایں گے ہماری ادویات شفا دیں، نقصان نہ پہنچائیں۔اجلاس میں تمام صوبوں کے صوبائی وزرائے صحت اور چیف ایگزیکٹو آفیسر ڈریپ سمیت دیگر نمائندے بھی شریک صوبائی وزیر صحت پنجاب خواجہ عمران نذیر وزیر صحت سندھ عزرا افضل پیچو ہو اے جے کے کی ہیلتھ منسٹر بھی شریک ہوئیں۔