سیکرٹری زراعت پنجاب کی زیرِ صدارت کپاس کی صورتحال بارے جائزہ اجلاس

اتوار 18 مئی 2025 18:40

لاہور (اُردو پوائنٹ اخبارتازہ ترین - اے پی پی۔ 18 مئی2025ء) سیکرٹری زراعت پنجاب افتخار علی سہو نے کہا ہے کہ صوبہ پنجاب میں 35 لاکھ ایکڑ رقبہ پر کپاس کی کاشت کا ہدف مقرر کیا گیا ہے جس کے برعکس اب تک27 لاکھ ایکڑ سے زائد رقبہ پر کپاس کاشت ہو چکی ہے۔ یہ بات انہوں نے صوبہ میں کپاس کی صورتحال بارے ایگریکلچر ہاوس لاہور میں منعقدہ جائزہ اجلاس کی صدارت کرتے ہوئے کہی۔

انہوں نے مزید کہا کہ کپاس کی کاشت کا ہدف اگلے 10 روز میں حاصلِ کر لیا جائے گا۔اگیتی کپاس کی نگہداشت پر خصوصی توجہ دی جارہی ہے۔

(جاری ہے)

ابھی تک کپاس کی فصل کیڑوں اور بیماریوں کے حملہ سے محفوظ ہے۔حالیہ گرمی کی لہر کے دوران کپاس کیلئے خصوصی ایڈوائزری فراہم کی جا رہی ہے۔کپاس کی بہتر نگہداشت بارے ٹیکنیکل کمیٹیاں قائم کی گئی ہیں جن میں ماہرین سمیت ترقی پسند کاشتکار شامل ہیں۔اس کے علاوہ کپاس کے علاقوں میں نہری پانی کی وافر فراہمی یقینی بنائی جا رہی ہے۔اجلاس میں ایڈیشنل سیکرٹری زراعت ٹاسک فورس پنجاب محمد شبیر احمد خان،ڈائریکٹرجنرلز زراعت چوہدری عبدالحمید، نوید عصمت کاہلوں،ڈاکٹرعبدالرحمان،ڈاکٹر عبدالقیوم و دیگر افسران نے شرکت کی۔