28 مئی ! سورج بیت اللہ شریف کے عین اوپر ہوگا، قبلہ رخ کا تعین کیا جا سکے گا

پیر 19 مئی 2025 20:11

جہانیاں(اُردو پوائنٹ اخبارتازہ ترین - آن لائن۔ 19 مئی2025ء)28مئی ! سورج بیت اللہ شریف کے عین اوپر ہوگا،قبلہ رخ کا تعین کیا جا سکے گا۔28مئی کو سورج خانہ کعبہ کے عین اوپر ہوگااس وقت بیت اللہ کا سایہ نہیں ہو گا اور دنیا بھر کے سایوں کا رخ بیت اللہ شریف کی جانب ہو گااس روز قبلہ رخ کا درست تعین کیا جا سکے گا۔ ماہرین فلکیات کے مطابق سورج بیت اللہ کے اوپر سال میں دو مرتبہ نظر آتا ہے دوبارہ سورج16جولائی کو بیت اللہ کے اوپر سے گزرے گا اس روز بھی قبلہ رخ کا تعین کیا جا سکتا ہے۔

(جاری ہے)

28مئی کو قبلے کا رخ متعین کرنے کیلئے زمین میںایک چھڑی عموداً گاڑ دیں اس مقررہ وقت پر اس چھڑی کے سایے پر خط کھینچ دیں اور اس خط پر عموداً گرائیں اور شمالاً جنوباًزاویہ قائمہ بنائیں یہی خانہ کعبہ کا درست رخ ہوگا۔ جدید ترین حساس آلات کی ایجاد سے پہلے زمانہ قدیم میں بیت اللہ کے سمت کے تعین اور مسجد کی بنیاد رکھتے وقت یہی طریقہ استعمال کیا جاتا تھا۔دنیا میں اب بھی ایسے مقامات ہیں جہاں ہر جدید حساس آلات کی سہولت دستیاب نہیں ہے وہاں کے لوگ بیت اللہ کی سمت کا درست تعین کرسکتے ہیں۔