پنجاب بھرمیں 1375ٹریفک حادثات میں 16افراد جاں بحق،1637زخمی ہوگئے، ریسکیو 1122

پیر 19 مئی 2025 23:01

لاہور (اُردو پوائنٹ اخبارتازہ ترین - اے پی پی۔ 19 مئی2025ء) ایمرجنسی سروسزڈیپارٹمنٹ نے گز شتہ 24گھنٹوں کے دوران 1375ٹریفک حادثات پر ریسپانڈ کیا جن میں 717افراد شدید زخمی ہوگئے جنہیں فوری طور پر نزدیکی ضلعی و تحصیل کے ہسپتالوں میں منتقل کیا گیا۔ترجمان کے مطابق920معمولی زخمی لوگوں کو ریسکیومیڈیکل ٹیموں نے جائے حادثہ پر بروقت طبی امداد فراہم کی ۔

ان حادثات میں زیادہ تر تعداد (77فیصد)موٹر سائیکل حادثات کی ہے۔

(جاری ہے)

صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں 854ڈرائیوز،68کم عمرڈرائیور، 619مسافراور180پیدل چلنے والے افراد متاثر ہوئے۔اعدادو شمار سے ظاہر ہوتا ہے کہ248ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی دارالحکومت313متاثرین کے ساتھ پہلے فیصل آباد 93حادثات میں 113متاثرین کے ساتھ دوسر ے،گوجرانوالہ 84حادثات میں 86متاثرین کے سا تھ تیسرے نمبرپررہا۔

واضح رہے کہ ان ٹریفک حادثات کے کل1653متاثرین میں 1301مرد اور352خواتین شامل ہیں۔ ٹریفک حادثات کے بیشتر واقعات میں 1255موٹرسائیکل،86آٹورکشے،149کاریں،33وین،19مسافر بسیں،45ٹرک اور119دوسری اقسام کی گاڑیاں شامل ہیں۔