ہیمبرگ اوپن ٹینس،الیگزینڈرزویرو ف اور آندرے روبلوف مینز سنگلز دوسرے رائونڈ میں داخل

بدھ 21 مئی 2025 10:50

ہیمبرگ (اُردو پوائنٹ اخبارتازہ ترین - اے پی پی۔ 21 مئی2025ء) جرمنی کے نامور ٹینس سٹار الیگزینڈر زویروف اور روس کے ٹینس سٹار آندرے روبلوف ہیمبرگ اوپن ٹینس ٹورنامنٹ میں مردوں کے سنگلز مقابلوں کا فاتحانہ آغاز کرکے دوسرے رائونڈ میں پہنچ گئے ۔ٹاپ سیڈڈ الیگزینڈر زویروف نے مردوں کے سنگلزمقابلوں کے ابتدائی میچ میں امریکی حریف ٹینس کھلاڑی الیگزینڈر کواسک کو شکست دی ۔

(جاری ہے)

ہیمبرگ اوپن ٹینس کے دلچسپ مقابلے جرمنی کے مشہور شہر ہیمبرگ میں جاری ہیں جس کے مردوں کے سنگلز مقابلوں کے ابتدائی رائونڈ میچ میں الیگزینڈر زویروف نے عمدہ کھیل پیش کرتے ہوئے امریکی حریف ٹینس کھلاڑی الیگزینڈر کواسک کو 1-6 اور 6-7(5-7)سے ہرا کر ٹورنامنٹ کے دوسرے رائونڈ کے لئے کوالیفائی کیا ۔ ایک اور میچ میں روسی ٹینس سٹار آندرے روبلوف نے عمدہ کارکردگی کا مظاہرہ کرتے ہوئے بوسنیا کے دمیر جمہور کو سٹریٹ سیٹس میں 4-6اور3-6 سے ہرا کر ایونٹ کے دوسرے رائونڈ کے لئے کوالیفائی کرلیا۔\932