جاپان ، ورلڈ ایکسپو 2025میں سعودی جناح پویلین شرکا کی توجہ کا مرکز،35 روز میں 5 لاکھ زائرین نے وزٹ کیا

بدھ 21 مئی 2025 12:12

ٹوکیو (اُردو پوائنٹ اخبارتازہ ترین - اے پی پی۔ 21 مئی2025ء) جاپان کے شہر اوساکا میں دنیا کی سب سے بڑی تجارتی اور ثقافتی نمائش ”ورلڈ ایکسپو 2025“میں سعودی عرب کے جناح پویلین نے ابتدائی 35 دنوں میں دنیا بھر سے آئے تقریباً 5 لاکھ زائرین کا خیرمقدم کیا۔

(جاری ہے)

العریبیہ اردو کے مطابق زائرین کو موقع ملا کہ وہ سعودی جناح پویلین میں مکمل ثقافتی تجربے سے آگاہی حاصل کریں جہاں مملکت کے متنوع ورثے، تہذیب و تمدن اور فنون کو مختلف پروگرامز کے ذریعے روشناس کرایا گیا، ان نمایاں پروگرامز میں اہلاً و سہلاً اور نحنُ السعودیة خاص طور پر قابلِ ذکر ہیں۔

جاپان میں سعودی عرب کے سفیر اور جناح کے کمشنر جنرل ڈاکٹر غازی بن فیصل بن زقر نے کہا کہ ایکسپو میں جاپان اور دنیا کے مختلف حصوں سے آئے ہوئےشرکاکو سعودی عرب کی کہانی میں شریک دیکھنا باعثِ فخر ہے۔ یاد رہے کہ ورلڈ ایکسپو 2025 جاپان کے شہر اوساکا میں 13 اپریل 2025 کو شروع ہوئی ، یہ 13 اکتوبر تک جاری رہے گی۔