گلگت بلتستان حکومت کی گجرات کے 4 لاپتہ نوجوانوں کی تلاش کے لئے تمام وسائل بروئے کار لانے کی ہدایت

جمعہ 23 مئی 2025 12:33

گلگت (اُردو پوائنٹ اخبارتازہ ترین - اے پی پی۔ 23 مئی2025ء) گلگت بلتستان حکومت نے گجرات سے سیر و سیاحت کیلئے آئے 4 نوجوانوں کے 16 مئی سے لاپتہ ہونے کی خبر اور والد کے وڈیو بیان کے بعد معاملے کا نوٹس لیا ہے ۔

(جاری ہے)

گلگت بلتستان حکومت کے ترجمان فیض اللہ فراق کی طرف سے جاری بیان میں کہا ہے کہ گجرات سے سیر و سیاحت کیلئے گلگت بلتستان آنے والے 4 نوجوان 16 مئی سے لاپتہ ہونے کی خبر اور والد کا وڈیو بیان آنے کے بعد اس معاملے کا نوٹس لیا گیا ہے ۔

اس سلسلے میں وزیر اعلی گلگت بلتستان حاجی گلبر خان صاحب نے آئی جی پولیس اور سیکرٹری داخلہ کو ہدایت کی ہے کہ وہ لاپتہ نوجوانوں کی تلاش میں تمام وسائل بروئے کار لائیں۔ ترجمان نے مزید کہا کہ ٹورسٹ پولیس اور ریسکیو 1122 کا عملہ لاپتہ نوجوانوں کی تلاش میں کوشاں ہیں۔