پروفیسر نازش عطا ء اللہ سابق پرنسپل این سی اے اور ممبر الحمراء گورننگ باڈی کا الحمراء ماڈرن آرٹ میوزیم کا دورہ

الحمراء آرٹ میوزیم ہماری نئی نسل کو اپنی عظمت رفتہ سے شناسا کرنے کی قابل قدار اورکامیاب کو ششیں کر رہا ہی: چیئرمین الحمراء رضی احمد

ہفتہ 24 مئی 2025 19:21

لاہور (اُردو پوائنٹ اخبارتازہ ترین - آن لائن۔ 24 مئی2025ء) سابق پرنسپل این سی اے اور ممبر الحمراء گورننگ باڈی پروفیسر نازش عطا ء اللہ نے الحمراء ماڈرن آرٹ میوزیم کا دورہ کی۔چیئرمین الحمراء رضی احمد نے انکا استقبال کیا۔ اس موقع پر نازش عطاء اللہ نے کہا کہ آرٹ کے فن پارے کسی بھی قوم کی اعلیٰ اقدارکے آئینہ دار ہوتے ہیں جس سے اس قوم کی ہزار ہاسالہ تہذیب و تمدن، ثقافت اور معاشرت بخوبی جھلکتی ہیں، یہ میوزیم مصوری کی اقدار کی پرورش کر رہا ہے۔

(جاری ہے)

چیئرمین بورڈ آف گورنز لاہور آرٹس کونسل رضی احمد نے کہا کہ الحمراء آرٹ میوزیم ہماری نئی نسل کو اپنی عظمت رفتہ سے شناسا کرنے کی قابل قدار اورکامیاب کو ششیں کر رہا ہے۔ ایگزیکٹوڈائریکٹر الحمراء توقیر حیدر نے کہا کہ عبدالرحمن چغتائی،استاد اللہ بخش، صادقین، شاکر علی، ایس صفدر،حنیف رامے،شمزا،احمد پرویز،کولن ڈیوڈ، اسلم کمال، جمی انجینئر، میری کترینا، کامل خان ممتاز، انا مولیکا احمد، سعید اختر، زبیدہ آغا، خالد اقبال و دیگر عالمی شہرت یافتہ نام آرٹسٹوں کا کام یہاں موجود ہے۔ واضح رہے کہ سکالرز، محقق، سیاح، طالب علم اور مورخ دنیا بھر سے اس میوزیم کو دیکھنے کیلئے آتے ہیں۔