وزٹ ویزا والوں کو حج کرانے کا دعوی کرنے والے گرفتار

پیر 26 مئی 2025 08:30

مکہ مکرمہ (اُردو پوائنٹ اخبارتازہ ترین - اے پی پی۔ 26 مئی2025ء) مکہ مکرمہ پولیس نے دو کرغیز شہریوں کو گرفتار کیا ہے جو وزٹ ویزہ رکھنے والوں کو بغیر اجازت نامے کے حج کرانےدعوی کر رہے تھے۔

(جاری ہے)

سبق ویب سائٹ کے مطابق مکہ مکرمہ پولیس کی جانب سے جاری بیان میں کہا گیا ہے کہ مذکورہ افراد نے وزٹ ویزے کے حامل افراد کو مشاعر مقدسہ میں منتقل کرنے، معاونت فراہم کرنے اور مکہ مکرمہ شہر میں کرائے پر لیے گئے دو مقامات پر ٹھہرانے کے جھوٹے اشتہارات شائع کر رہے تھے۔

پولیس نے کہا کہ مذکورہ افراد کے جھانسے میں آنے والے 87 بھی گرفتار ہوئے ہیں وزٹ ویزے پر آئے ہوئے ہیں اور بغیر حج پرمٹ کے حج کی کوشش کر رہے تھے۔گرفتار شدگان کو حراست میں لے کر اُن کے خلاف قانونی کارروائی کی گئی ہے اور انہیں پبلک پراسیکیوشن کے حوالے کر دیا گیا ہے۔