ایڈیشنل ڈپٹی کمشنر کی زیرصدارت انسداد پولیومہم کے حوالہ سے اجلاس

پیر 26 مئی 2025 22:30

کوہستان لوئر (اُردو پوائنٹ اخبارتازہ ترین - اے پی پی۔ 26 مئی2025ء) ایڈیشنل ڈپٹی کمشنر جنرل کوہستان لوئر عبدالولی خان کی سربراہی میں ضلع کوہستان لوئر میں جاری انسداد پولیو مہم کے پہلے روز کے اہداف کے حصول کا جائزہ لینے کے لئے ایونینگ ریویو اجلاس کا انعقاد ہوا۔ پیر کو ڈپٹی کمشنر کوہستان لوئر طارق محمود کی ہدایت پر منعقدہ اجلاس میں تمام متعلقہ محکموں کے سربراہان نے شرکت کی۔

(جاری ہے)

ڈسٹرکٹ ہیلتھ آفیسر کوہستان لوئر کی جانب سے اجلاس کےشرکاءکو پولیو مہم کے پہلے دن کے اہداف کے حصول پر تفصیلی بریفنگ دی گئی۔اس موقع پر ایڈیشنل ڈپٹی کمشنر جنرل نے اجلاس کے شرکاء پر واضح کیا کہ پولیو مہم کی کامیابی کے لئے سب کو ایک ٹیم ہو کر کام کرنا پڑے گا۔ ڈپٹی کمشنر کوہستان لوئر نے تمام ٹیموں کی پہلے دن کی کارکردگی کو سراہا اور اسی جذبہ کے ساتھ مہم کو کامیاب کرنے کی بابت ہدایات جاری کیں۔