ملک بھرمیں پولیو سے بچاؤ کی قومی مہم 26 مئی سے یکم جون تک جاری رہے گی، آصفہ بھٹو زرداری

پیر 26 مئی 2025 23:05

اسلام آباد (اُردو پوائنٹ اخبارتازہ ترین - این این آئی۔ 26 مئی2025ء)خاتون اول اور رکن قومی اسمبلی بی بی آصفہ بھٹو زرداری نے کہاہے کہ ملک بھر میں پولیو سے بچاؤ کی قومی مہم 26 مئی سے یکم جون تک جاری رہے گی۔

(جاری ہے)

اپنے بیان میں آصفہ بھٹو زر داری نے کہاکہ انسدادِپولیومہم کا مقصد پانچ سال سے کم عمر کے 4 کروڑ 54 لاکھ بچوں کو ایک موذی مرض سے محفوظ بنانا ہے۔ انہوںنے کہاکہ چار لاکھ سے زائد فرنٹ لائن ورکرز گھر گھر جا کر بچوں کو پولیو کے قطرے پلائیں گے تاکہ کوئی بچہ اس حفاظتی عمل سے محروم نہ رہ جائے۔ بی بی آصفہ بھٹو زرداری نے والدین، اساتذہ، علماء ، معززین اور میڈیا سے اپیل کی کہ اس قومی مہم کا حصہ بنیں اور پولیو سے پاک مستقبل کے لیے اپنا کردار ادا کریں۔