سپیکر قومی اسمبلی کی نوشکی میں انسداد پولیو ٹیم پر فائرنگ کی مذمت، شہید پولیس اہلکار کو خراج عقیدت

منگل 27 مئی 2025 16:42

اسلام آباد (اُردو پوائنٹ اخبارتازہ ترین - اے پی پی۔ 27 مئی2025ء) سپیکر قومی اسمبلی سردار ایاز صادق نے نوشکی میں انسداد پولیو ٹیم پر فائرنگ کی مذمت کرتے ہوئے اس کے نتیجے میں شہید پولیس اہلکار عبدالوحید کو خراج عقیدت پیش کیا ہے ۔

(جاری ہے)

منگل کو اپنے مذمتی بیان میں انہوں نے شہید عبدالوحید کے لواحقین سے دلی ہمدردی اور تعزیت کا اظہار کیااور کہا کہ پولیس اہلکار عبدالوحید کی قربانی کو ہمیشہ یاد رکھا جائے گا، شہید کے اہلخانہ کے غم میں برابر کا شریک ہوں۔ انہوں نے کہا کہ بچوں کے محفوظ مستقبل کیلئے مامور ٹیم پر حملہ ناقابل برداشت ہے۔ ایسے لوگوں سے آہنی ہاتھوں سے نمٹا جائے گا۔ سپیکر قومی اسمبلی نے شہید پولیس اہلکار کے درجات کی بلندی اور سوگوار خاندان کیلئے صبر جمیل کی دعا کی۔