چیئرمین سینیٹ سید یوسف رضا گیلانی کا سینئرسیاستدان میاں اظہر کے انتقال پراظہارتعزیت

بدھ 23 جولائی 2025 17:19

اسلام آباد (اُردو پوائنٹ اخبارتازہ ترین - این این آئی۔ 23 جولائی2025ء)چیئرمین سینیٹ سید یوسف رضا گیلانی نے سینئر سیاستدان اور سابق گورنر پنجاب میاں اظہر کے انتقال پر گہرے دکھ اور افسوس کا اظہار کیا ہے۔

(جاری ہے)

سینیٹ سیکرٹریٹ سے جاری بیان کے مطابق سید یوسف رضا گیلانی نے کہا کہ میاں اظہر کی سیاسی خدمات ناقابلِ فراموش ہیں، وہ مدبر سیاستدان، عوامی نمائندے اور قومی مفادات کے تحفظ کے علمبردار تھے، انہوں نے ہمیشہ جمہوری روایات، پارلیمانی اقدار اور عوامی فلاح کو مقدم رکھا، ان کی رحلت ملک کے لیے بڑا نقصان ہے۔

چیئرمین سینیٹ نے مرحوم کے اہلِ خانہ سے دلی ہمدردی اور تعزیت کا اظہار کرتے ہوئے دعا کی کہ اللہ تعالیٰ میاں اظہر کو اپنے جوارِ رحمت میں بلند مقام عطا فرمائے اور لواحقین کو یہ صدمہ صبر و حوصلے سے برداشت کرنے کی توفیق دے۔