جو ہرآباد ، تھل کے گاؤں رنگپور بگھور میں غیرت کے نام پر مشہور ٹک ٹاکر قتل کردی گئی ،ملزم گرفتار

بدھ 28 مئی 2025 17:07

جوہرآباد (اُردو پوائنٹ اخبارتازہ ترین - اے پی پی۔ 28 مئی2025ء) تھل کے گاؤں رنگپور بگھور میں غیرت کے نام پر مشہورٹک ٹاکر قتل کردی گئی، پولیس تھانہ نورپور تھل نے ملزم کو گرفتارکرلیا ۔

(جاری ہے)

تفصیلات کے مطابق رنگپور بگھور کی رھائشی 32سالہ اقرا عرصہ درازسے ٹک ٹاکر کے طور پرکام کر رھی تھی اور اس نے تھل کی شہزادی کے نام اپنی آئی ڈی بنائی ھوئی تھی ، اس کے ہزاروں کی تعداد میں فالورز تھے۔

اقرا کا کزن بلال اسے اس کام سے منع کرتا تھا اور اسے خاندان کی بدنامی قرار دیتا تھا۔ ملزم بلال نے اقرا پر اس وقت ریوالور سے اندھا دھند فائرنگ کی جب وہ گھر میں اکیلی تھی ۔ملزم واردات کے بعد جاے وقوعہ سے فرارھو گیا ،لیکن پولیس تھانہ نور پورنے ملزم کو گرفتارکر لیا ،پولیس نے مقتولہ کے والد کی مدعیت میں مقدمہ درج کرلیا ہے۔\378