28مئی کو نوازشریف کی کانپیں ٹانگ گئی تھیں،امریکہ سے ڈیل کر رہے تھے،ایٹمی دھماکوں پر مجبورکیاگیا‘عمر ایوب

بدھ 28 مئی 2025 22:26

اسلام آباد(اُردو پوائنٹ اخبارتازہ ترین - آن لائن۔ 28 مئی2025ء)اپوزیشن لیڈر عمر ایوب خان نے دعویٰ کیا ہے کہ 28مئی کو نوازشریف کی کانپیں ٹانگ گئی تھیں،امریکہ سے ڈیل کر رہے تھے،ایٹمی دھماکے کرنے کیلئے مجبورکیا۔

(جاری ہے)

قائد حزب اختلاف عمر ایوب نے یوم تکبیر کے حوالے سے ایکس پر بیان میں کہا کہ 28 مئی 1998، وہ دن تھا جس دن نواز شریف کی کانپیں ٹانگ گئی تھیں، نواز شریف نے ایٹمی دھماکے کرنے سے انکار کر دیا تھا، امریکہ سے دھماکے نا کرنے کی ڈیل کر رہا تھا۔

عمر ایوب نے کہا کہ نواز شریف کو ایٹمی دھماکے کرنے کیلئے مجبور کیا گیا، مرحوم ڈاکٹر عبدالقدیر خان‘ مرحوم گوہر ایوب خان ان لوگوں میں شامل تھے، مرحوم مجید نظامی، راجہ ظفر الحق اور شیخ رشید نے مجبور کیا۔ عمر ایوب نے کہا کہ کابینہ اجلاس میں ایٹمی دھماکوں کیلئے پر زور اصرار کیا گیا اور کابینہ مجبور ہو گئی۔