راولپنڈی‘ شہری کے اغواء کا الزام، 2 پولیس اہلکاروں پر مقدمہ درج

دونوں اہلکاروں کو معطل کر کے محکمانہ کارروائی شروع‘ پولیس افسران و اہلکار اپنا قبلہ درست کرلیں‘سی پی او سید خالد ہمدانی

جمعرات 29 مئی 2025 15:50

راولپنڈی (اُردو پوائنٹ اخبارتازہ ترین - این این آئی۔ 29 مئی2025ء)راولپنڈی میں شہری کے اغواء کے الزام میں 2 پولیس اہلکاروں پر تھانہ سول لائنز میں مقدمہ درج کر لیا گیا۔شہری نے پولیس اہلکاروں کے خلاف اغواء اور رقم وصولی کی شکایت کی تھی۔

(جاری ہے)

پولیس اہلکار تھانہ نصیر آباد اور سی سی ڈی میں تعینات تھے۔اس حوالے سے پولیس نے کہا کہ دونوں اہلکاروں کو معطل کر کے محکمانہ کارروائی شروع کردی ہے۔سی پی او سید خالد ہمدانی کا کہنا تھا کہ پولیس افسران و اہلکار اپنا قبلہ درست کرلیں۔