توہین عدالت،وزارت داخلہ، اسٹیبلشمنٹ ڈویڑن ایف آئی اے ملازمین کی ترقیوں کیلئے راضی

جمعرات 29 مئی 2025 18:09

اسلام آباد (اُردو پوائنٹ اخبارتازہ ترین - این این آئی۔ 29 مئی2025ء)ایف آئی اے ملازمین کی محکمانہ ترقیوں کے عدالتی حکم پر عملدرآمد نہ ہونے پر توہین عدالت کیس میں وزارت داخلہ اور اسٹیبلشمنٹ ڈویژن نے ایف آئی اے ملازمین کی ترقیوں کیلئے رضامندی ظاہر کر دی۔ہائیکورٹ کے جسٹس طارق محمود جہانگیری نے ایف آئی اے ملازمین کی توہین عدالت درخواست پر سماعت کی، وزارت داخلہ اور اسٹیبلشمنٹ حکام عدالت میں پیش ہوئے۔

(جاری ہے)

ہائی کورٹ نے استفسار کیا کہ عدالت نے آرڈر جاری کیا تھا، اس پر کیا عمل درآمد ہوا نمائندہ اسٹیبلشمنٹ ڈویژن نے بتایا کہ ہمیں ملازمین کو ترقی دینے پر کوئی اعتراض نہیں، انٹرا کورٹ اپیل زیر التواء ہے، عدالت نے ریمارکس دیئے کہ زیرالتواء انٹراکورٹ اپیل کا ہمارے آرڈر پر کوئی اثر نہیں ہے۔بعدازاں عدالت نے توہین عدالت کیس کی سماعت ملتوی کر دی، عدالت نے ایف آئی اے کے کانسٹیبل سے اسسٹنٹ سب انسپکٹر تک کے ملازمین کی ترقی کا حکم دے رکھا تھا۔