۱موٹروے ایم فائیوکراچی سے ڈیرہ غازی خان جانیوالی مسافر کوچ میں ٹائروں کے باعث ہولناک آتشزدگی‘جل کرخاکستر

جمعرات 29 مئی 2025 21:35

oرحیم یارخان(اُردو پوائنٹ اخبارتازہ ترین - آن لائن۔ 29 مئی2025ء)موٹروے ایم فائیوکراچی سے ڈیرہ غازی خان جانیوالی مسافر کوچ میں ٹائروں کے باعث ہولناک آتشزدگی‘ مسافرکوچ مکمل طورپر جل کرخاکستر‘ مسافرکوچ عملہ نے کوچ میں سوار مسافروں کو بحفاظت زندہ بچالیا‘ مسافروں کالاکھوں روپے مالیت کاسامان بھی مسافرکوچ میں جل کرخاکسترریسکیوعملہ نے موقع پرپہنچ کرگھنٹوں کی جدوجہد کے بعدمسافرکوچ میں بھڑکنے والی آگ پرقابوپالیا‘ تفصیل کے مطابق گزشتہ روز کراچی سے ڈیرہ غازی خان جانیوالی مسافرکوچ نمبری JD-7677جب موٹروے ایم فائیو پرمحمدپورانٹرچینج کے نزدیک پہنچی توٹائروں میں بھڑکنے والی آگ کے باعث مسافرکوچ میں آگ بھڑک اٹھی جس نے دیکھتے ہی دیکھتے پوری مسافرکوچ کواپنی لپیٹ میں لے لیاتاہم اس موقع پربس ڈرائیورمظہرعلی نے بس عملہ کی مددسے کوچ میں سوارتمام مسافروں کوباحفاظت کوچ سے نکال کرمحفوظ مقام تک منتقل کیا‘ تاہم بھڑکنے والی آگ کے نتیجہ میں مسافرکوچ اورمسافروں کاسامان جس کی مالیت کروڑوں روپے ہے جل کرخاکسترہوگئے‘ اطلاع ملنے پرریسکیو عملہ نے موقع پرپہنچ کرمسافرکوچ میں بھڑکنے والی آگ پرجدوجہد کے بعد قابوپالیا۔